Foto: Saltanat Núkenovanyń áleýmettik jelidegi paraqshasynan
Ishki ister ministriniń birinshi orynbasary Marat Qojaev Bishimbaevtyń isi boiynsha túsinikteme berdi, dep habarlaidy Sputnik Qazaqstan.
Qojaev aldymen osy qylmystyq is boiynsha tergeýshiler ne sebepti aýysyp jatqanyn túsindirdi.
“Birinshi kúni oqiǵa ornyna arnaiy tergeý toby shyǵady, ol - kezekshi top. Al erteńgi kúni aldyn ala tergeý basqa mamanǵa tapsyrylady. Ol adamnyń qasynda taǵy birneshe tergeýshi bolady. Bir tergeýshi emes, top bolyp tergeýi múmkin. Tergeýshilerdiń aýysýyna qatysty áńgimeler osydan tarap jatqan shyǵar”, - dedi Qojaev jýrnalisterge bergen suhbatynda.
Onyń aitýynsha, sot-meditsinalyq saraptamanyń qorytyndysy bir aidan keiin shyǵýy kerek.
“Ádette sot-meditsinalyq saraptama bir ai jasalady”, - dep atap kórsetti Qojaev.
Sot-saraptamasy kezinde Saltanat Núkenovanyń qaitys bolǵan ýaqyty da anyqtalady.
