Qazaqstan Ulttyq banki telefon alaiaqtarynyń jańa shemasy paida bolǵanyn eskertti, dep habarlaidy ult.kz.
Alaiaqtar aldymen kýrer nemese poshta qyzmetkeri retinde habarlasyp, azamatqa sálemdeme kelgenin aitady. Jetkizýdi rastaý syltaýymen SMS arqyly kelgen kodty surap, adamdy asyqtyrýǵa tyrysady.
Kodty alǵan soń qońyraý shalýshy ózin eGov nemese quqyq qorǵaý organdarynyń qyzmetkeri retinde tanystyryp, azamattyń akkaýnty buzylǵanyn jáne jeke derekteri qaýipte ekenin aitady. Odan ári «Stop-kredit» qyzmeti qosylǵanyn nemese jaǵdaidy Ulttyq banktiń «qaýipsizdik qyzmeti» baqylap otyrǵanyn aityp, senimge kirýge tyrysady.
Alaiaqtar áńgimeni úzbeýdi, bolǵan jaǵdaidy eshkimge aitpaýdy talap etip, azamatqa psihologiialyq qysym kórsetýi múmkin. Negizgi maqsat – onyń aqshasy men derekterine qol jetkizý.
Ulttyq bank SMS-kodty eshkimge bermeýge jáne kúmándi qońyraý kezinde áńgimeni birden toqtatýǵa shaqyrdy. Qajet bolsa, tiisti uiymnyń resmi nómirine azamattyń ózi habarlasýy kerek.
Ulttyq bank qyzmetkerleri aýdio nemese beineqońyraý shalmaidy, bank kartasynyń qupiia derekteri men parolderin suramaidy jáne halyqtan aqsha qabyldamaidy.
