Elbasynyń «Bolashaqqa baǵdar: Rýhani jańǵyrý» maqalasy – el erteńin oilaýdan týyndaǵan, jarqyn bolashaqty aiqyndaityn, halqymyzǵa rýhani serpilis ákeletin mańyzy zor qujat. Elbasy osy maqalasy arqyly qoǵamnyń damý tetikterin dóp basyp, halqymyzdyń rýhaniiatyna tereń mán bere otyryp, aiqyn da jasampaz ideialaryn usyndy.
Ult Kóshbasshysy «jańǵyrý jolynda babalarymyzdan miras bolyp, qanymyzǵa sińgen, búginde tamyrymyzda búlkildep jatqan izgi qasietterdi túletýimiz kerektigin» eskerte otyryp, kertartpa ádetterden, ysyrapshyldyq pen dańǵoilyq, astamshylyq sekildi jaǵymsyz qylyqtardan arylmaiynsha, berekemizdiń kirmeitinin aitty. Al, qanaǵatshyldyq pen qarapaiymdylyq, ustamdylyq pen únemshildik kósegemizdi kógertip, kórgendiligimizdi kórsetpek.
Rýhy myqty eldiń eńsesi biik bolatynyn tarih dáleldegen. «Adamzat balasynyń aldynda úsh aiǵaqty zor mindet tur: biri —beibitshilikti, ekinshisi — rýhaniiatty, úshinshisi — tabiǵatty qorǵaý hám saqtap qalý. Bulardyń qai-qaisysy da bizdiń tirshiligimizdiń basty baǵdary. Bir-birin tolyqtyratyn uǵymdar» degen Elbasynyń ideiasyn basty baǵyt etip ustanyp, jańǵyrýdyń ózegine ainaldyrý elimizdiń bolashaǵyn jarqyn eteri sózsiz.
Táýelsiz el tiregi — deni saý ult desek, jańa dáýirdiń kún tártibinde turǵan eń ózekti másele — densaýlyq saqtaý salasyndaǵy reformalardy oidaǵydai júzege asyryp, halyq arasyndaǵy aýrýshańdyqty azaitý. Osy oraida, meditsinalyq-áleýmettik saraptama bóliminiń qyzmetkerleri de ózderine júktelgen jaýapkershilik júgin tolyqtai sezinedi. Bizdiń mindetimiz — múmkindigi shekteýli jandarǵa kómek kórsetip, olardyń múgedektik tobyn dál anyqtaý jáne olardyń ońaltý baǵdarlamasynan ótýin qadaǵalaý, syrqatynan aiyqqan jandarǵa tiisti qorytyndy berý. Sondai-aq, qoǵamdyq damýdy tejep otyrǵan jemqorlyq indetiniń aldyn alýǵa úles qosýdy da mindetimiz dep bilemiz.
QR Prezidenti N.Nazarbaev: «El bolý úshin – ulttyq rýh, ulttyq qasiet jáne ultqa degen senim bolýy kerek» deidi. Olai bolsa, biz de ulttyq salt-dástúrimizge bekem bolyp, deni saý, bilimdi de rýhty urpaq ósirýge atsalyssaq deimiz.
Nurálhan MUSAHANOV, №11 meditsinalyq-áleýmettik saraptama bóliminiń basshysy. Báidibek aýdany.
"Ońtústik Qazaqstan"
