Sahalindegi Tymovskoe aýylyndaǵy turǵyn úide gaz jarylyp, toǵyz adam qaza tapty, - dep habarlaidy Massaget.kz portaly Lenta.ru basylymyna silteme jasap.
19 qarashada tańerteń Sahalinde turǵyn úilerdiń birinde jarylys boldy. Jarylys saldarynan bes qabatty turǵyn úidiń bir bóligi opyrylyp, toǵyz adam qaza tapqan. Onyń tórteýi bala ekeni anyqtaldy.
Jarylysqa gaz ballonyn durys saqtamaý nemese durys paidalanbaý sebep bolǵan degen boljam jasaldy.
Tótenshe jaǵdailar ministrligi málimetinshe, Tymovskoe aýylyna qosymsha 26 qutqarýshy toby jiberilgen. Sonymen qatar, oqiǵa bolǵan jerde Tótenshe jaǵdailar ministrliginiń kinologtary men psihologtary kómektesedi.
Sahalindegi Tymovskoe aýylyndaǵy bes qabatty úi 1980 jyldary salynǵan. Onda 80-ge jýyq páter bar. Keiingi kúrdeli jóndeý 2016 jyly ótken.
