Pavlodar oblysy ákiminiń orynbasary qyzmetine Prezident kadr rezerviniń múshesi Sáken Beiimbetuly Shaiahmetov taǵaiyndaldy, dep habarlaidy pavlodarnews.kz.
Pavlodar oblysy ákimi baspasóz qyzmetiniń málimetinshe, búgin Sáken Shaiahmetov Pavlodar oblysy ákiminiń orynbasary qyzmetine taǵaiyndaldy.
Ol 1990 jyly 2 mamyrda Almaty qalasynda dúniege kelgen. AQSh-tyń Tehas ýniversitetin (The University of Texas) «Munai-gaz isi» jáne «Ekonomika» mamandyqtary boiynsha támamdaǵan.
MVA dárejesin Qytai-Evropa halyqaralyq biznes mektebinde (China Europe International Business School) alǵan, sondai-aq quqyq pen diplomatiia salasyndaǵy gýmanitarly ǵylymdar magistri (The Fletcher School of Law and Diplomacy, Tufts University).
Oqý kezinde jyl saiyn Chevron (AQSh), J.P. Morgan (Ulybritaniia), Citibank (Almaty), World Bank (AQSh) syndy kompaniialarda arnaiy aqyly taǵylymdamalardan ótken.
Eńbek jolyn 2011 jyly Atyraý oblysyndaǵy «Bolashaq» zaýytynda mehaniktiń kómekshisi bolyp bastady. 2012-2014 jyldary Caspi Meruerty Operating Company B.V. kompaniiasynda ekonomist bolyp qyzmet etti.
Keiin 2017 jylǵa deiin magistratýrada bilim aldy. 2017 jyly memlekettik qyzmetke aýysty. 2017-2018 jyldary QR Premer-Ministriniń keńesshisi, al 2018 jyldyń jeltoqsanynan bastap QR Premer-Ministri Keńsesi basshysynyń orynbasary laýazymdaryn atqarǵan.
«Sáken Shaiahmetov Prezidenttik jastar kadrlyq rezerviniń úzdik úshtigine engen. Jańa qyzmetinde investitsiialar, kásipkerlikti jáne arnaiy ekonomikalyq aimaǵyn damytý máselelerimen ainalysady» dep málim etti baspasóz qyzmeti.
