Rýslan Sákeev Qazaqstan eńbek jáne halyqty áleýmettik qorǵaý vitse-ministri bolyp taǵaiyndaldy, - dep habarlaidy "Ult aqparat" primeminister.kz saityna silteme jasap.
"Qazaqstan Úkimetiniń qaýlysy boiynsha, Rýslan Keńesaruly Sákeev Qazaqstan Respýblikasynyń eńbek jáne halyqty áleýmettik qorǵaý vitse-ministri laýazymyna taǵaiyndalady", - delingen habarlamada.
Rýslan Sákeev 1978 jyly Soltústik Qazaqstan oblysynda dúniege kelgen. Qazaq memlekettik zań ýniversitetin, Qaraǵandy "Bolashaq" ózekti bilim berý institýtyn bitirgen. Eńbek jolyn 1999 jyly Qazaq gýmanitarlyq zań ýniversiteti filialynyń oqytýshysy bolyp bastaǵan.
1999-2003 jyldary Qazaq gýmanitarlyq zań ýniversitetinde túrli qyzmetter atqarǵan. 2003 jyly Parlament Senaty depýtatynyń kómekshisi boldy.
2003-2005 jyldary Qaraǵandy oblysynyń Ishki saiasat departamentinde túrli laýazymdardy atqardy.
2005-2006 jyldary - Qaraǵandy oblysy ákimi apparatynyń áleýmettik baǵdarlamalar men adami faktorlardy taldaý jáne monitoring bóliminiń meńgerýshisi.
2006-2007 jyldary - QR ÁM Din isteri komitetiniń saraptama jáne tirkeý basqarmasy basshysynyń orynbasary. Ár jyldary jeke sektorda jumys istegen.
2014-2015 jyldary - QR BǴM "Tehnikalyq jáne kásiptik bilim berýdi jańǵyrtý" jobasyn basqarý toby jobasynyń jetekshisi.
2017-2019 jyldary - Mańǵystaý oblysy ákiminiń keńesshisi; ákim orynbasary.
2019 jylǵy qazannan bastap qazirgi ýaqytqa deiin - "Konfessiiaaralyq jáne órkenietaralyq dialogty damytý jónindegi Nursultan Nazarbaev ortalyǵy" KEAQ basqarma tóraǵasynyń orynbasary. 2020 jylǵy naýryzdan bastap qazirgi ýaqytqa deiin QR Tuńǵysh Prezidenti - Elbasy Nursultan Nazarbaevtyń bastamasymen qurylǵan "BIRGEMIZ" QQ basqarma tóraǵasy bolǵan.
.JPG)
