Tanymal aktrisa ári bloger Saia Orazǵalieva «Mamskii áńgime» podkastyna qatysyp, jeke ómirine qatysty jańalyǵymen bólisti, dep habarlaidy ult.kz.
Óner iesi qazirgi tańda Rústem esimdi azamatpen qarym-qatynasta ekenin aitty. Onyń sózinshe, ekeýi Instagram arqyly tanysqan.
Saianyń aitýynsha, Rústem oǵan buǵan deiin dostarynyń áleýmettik jelidegi paraqshalarynan jii kóringen. Bir kúni aktrisa onyń paraqshasyna kirip, baiqamai jazylyp ketken. Keiin Rústem de Saiaǵa jazylyp, osylaisha ekeýiniń aralasýy bastalǵan.
Aktrisa jańa qarym-qatynastyń alǵashqy kúnderinen-aq Rústemniń oǵan erekshe kóńil bólgenin atap ótti. Máselen, 14 aqpan kúni ol Saiaǵa gúl jiberip, sportzal men dárigerge jazdyryp, qyzmet aqysyn ózi tólegen.
Saia Orazǵalieva súiiktisiniń ózinen alty jas kishi ekenin de aitty. Ekeýi qarym-qatynastyń basynda-aq ótken ómirleri týraly ashyq sóilesken.
«Ol – ashyq adam. Bárin ashyq aitady. Birden bir-birimizge ómirbaianymyzdy aityp berdik. Ol buryn nekede bolǵan, bir qyzy bar», – dedi Saia.
