تانىمال اكتريسا ەرٸ بلوگەر سايا ورازعاليەۆا «مامسكيي ەڭگٸمە» پودكاستىنا قاتىسىپ, جەكە ٶمٸرٸنە قاتىستى جاڭالىعىمەن بٶلٸستٸ, دەپ حابارلايدى ult.kz.
ٶنەر يەسٸ قازٸرگٸ تاڭدا رٷستەم ەسٸمدٸ ازاماتپەن قارىم-قاتىناستا ەكەنٸن ايتتى. ونىڭ سٶزٸنشە, ەكەۋٸ Instagram ارقىلى تانىسقان.
سايانىڭ ايتۋىنشا, رٷستەم وعان بۇعان دەيٸن دوستارىنىڭ ەلەۋمەتتٸك جەلٸدەگٸ پاراقشالارىنان جيٸ كٶرٸنگەن. بٸر كٷنٸ اكتريسا ونىڭ پاراقشاسىنا كٸرٸپ, بايقاماي جازىلىپ كەتكەن. كەيٸن رٷستەم دە ساياعا جازىلىپ, وسىلايشا ەكەۋٸنٸڭ ارالاسۋى باستالعان.
اكتريسا جاڭا قارىم-قاتىناستىڭ العاشقى كٷندەرٸنەن-اق رٷستەمنٸڭ وعان ەرەكشە كٶڭٸل بٶلگەنٸن اتاپ ٶتتٸ. مەسەلەن, 14 اقپان كٷنٸ ول ساياعا گٷل جٸبەرٸپ, سپورتزال مەن دەرٸگەرگە جازدىرىپ, قىزمەت اقىسىن ٶزٸ تٶلەگەن.
سايا ورازعاليەۆا سٷيٸكتٸسٸنٸڭ ٶزٸنەن التى جاس كٸشٸ ەكەنٸن دە ايتتى. ەكەۋٸ قارىم-قاتىناستىڭ باسىندا-اق ٶتكەن ٶمٸرلەرٸ تۋرالى اشىق سٶيلەسكەن.
«ول – اشىق ادام. بەرٸن اشىق ايتادى. بٸردەن بٸر-بٸرٸمٸزگە ٶمٸربايانىمىزدى ايتىپ بەردٸك. ول بۇرىن نەكەدە بولعان, بٸر قىزى بار», – دەدٸ سايا.
