«Jýsan» operatsiiasy týraly film túsirý úshin máseleni egjei-tegjeili zerttep, muqiiat pysyqtaý qajet. Bul jaiynda Májilis depýtattarynyń resmi saýalyna berilgen QR Premer-Ministri Baqytjan Saǵyntaevtyń jaýabynda aitylǵan, dep habarlaidy QazAqparat tilshisi.
«Búgingi tańda «Qazaqstan» respýblikalyq teleradiokorporatsiiasy» aktsionerlik qoǵamy Mádeniet jáne sport ministrligimen jáne múddeli memlekettik organdarmen birlesip, joǵaryda kórsetilgen «Jýsan» operatsiiasy týraly shytyrman oqiǵaly, kórkem-derekti, partiottyq film shyǵarý jónindegi máseleni pysyqtaýda. Sonymen qatar mundai filmdi jasaý belgili bir elderdiń qatysýyna bailanysty birqatar eleýli máseleni qozǵaidy jáne muqiiat pysyqtaýdy talap etedi. iaǵni, josparlanyp otyrǵan kinojobanyń siýjettik jelisin qurý úshin Siriia aýmaǵyndaǵy aiqas ortasynda qalǵan bizdiń otandastarymyzdy shyǵarý aktsiiasyn etkizýge sebep bolǵan mán-jailardy kórsetý qajet», - dep atap ótedi Úkimet basshysy.
Onyń atap ótýinshe, 2019 jylǵy 6 qańtarda Ulttyq qaýipsizdik komiteti, Ishki ister ministrligi jáne Qorǵanys ministrligi «Jýsan» ataýymen júrgizgen arnaiy operatsiianyń nátijesinde Siriiadan Qazaqstannyń 47 azamaty, onyń ishinde 30 bala elge jetkizildi. Qazaqstannyń halyqaralyq terrorizmge qarsy kúres isinde júrgizip jatqan belsendi syndarly syrtqy saiasi jumysynyń negizinde osy gýmanitarlyq operatsiia birneshe aidyń ishinde Memleket basshysynyń joǵary bedeliniń arqasynda júrgizildi jáne ázirlendi. Qazaqstandyq azamattar Siriia aýmaǵynda «siriialyq demokratiialyq kúshterge» óz erkimen berildi jáne qazaqstandyq arnaiy qyzmetter men áskeri tranzittiń qatysýymen úshinshi elder arqyly Qazaqstanǵa shyǵaryldy.
«Syrtqy ister ministrliginiń aqparaty boiynsha otandastarymyzdyń elge oralý protsesi áli kúnge deiin aiaqtalmaǵan. Osyǵan bailanysty, qaýipsizdik maqsatynda osy toptyń tabylýy men shyǵarylýynyń jai-japsary ashylmaidy. Óz kezeginde jastardyń patriottyq jáne rýhani tárbiesine oń áser etetin sapaly film daiyndaý maqsatynda bul máseleni egjei-tegjeili zerttep jáne muqiiat pysyqtaý qajet. Osyǵan bailanysty, Mádeniet jáne sport ministrligine múddeli memlekettik organdarmen birlesip osy máseleni talqylaý jáne kótergen másele boiynsha jan-jaqty taldaý júrgizý tapsyryldy», - dedi B.Saǵyntaev.
Esterińizge sala ketsek, 9 qańtarda Elbasy Nursultan Nazarbaev Siriiadan Qazaqstan azamattaryn evakýatsiialaý boiynsha gýmanitarlyq operatsiiaǵa bailanysty málimdeme jasady. Onda Memleket basshysy quqyq qorǵaý organdary men Syrtqy ister ministrligi júrgizgen gýmanitarlyq shara nátijesinde Siriiadan 47 azamatymyz, sonyń ishinde 30 bala elimizge qaitarylǵanyn atap ótti.
Osydan keiin Parlament Májilisiniń depýtaty Qýanysh Sultanov «Jýsan» operatsiiasy negizinde derekti, patriottyq tárbiedegi kórkem film túsirý týraly QR Premer-Ministri Baqytjan Saǵyntaevtyń atyna depýtattyq saýal joldaǵan edi.
