QR Prezidenti Nursultan Nazarbaevtyń tapsyrmasy boiynsha Qazaqstan Premer-Ministri Baqytjan Saǵyntaev Aqtóbe oblysyna keldi, - dep habarlaidy "Ult aqparat" primeminister.kz portalyna silteme jasap.
B. Saǵyntaevtyń jumys baǵdarlamasynda óndiristi tehnologiialyq jańǵyrtý jáne tsifrlandyrý máseleleri boiynsha ónerkásiptik kásiporyndardyń ujymdarymen, sondai-aq nátijeli jumyspen qamtý jáne jappai kásipkerlik Memlekettik baǵdarlamasynyń júzege asyrylý máseleleri boiynsha oblys jurtshylyǵymen kezdesýleri josparlanǵan.
Sonymen qatar memlekettik-jekeshelik áriptestik aiasynda salynǵan iri infraqurylymdyq, bilim berý jáne meditsina nysandaryn aralaidy dep josparlanǵan. Sondai-aq Premer-Ministr «Nurly jer» baǵdarlamasy aiasynda turǵyn úi nysandarynyń qurylys barysymen tanysady.
Aita keteiik, Aqtóbe oblysynyń Qazaqstan úshin áleýmettik-ekonomikalyq róli zor, óitkeni QR Prezidentiniń tapsyrmasyna sáikes munda aýqymdy aglomeratsiia damyp, zamanaýi ýrbanistik ortalyq qurylady. Sonymen birge, oblysta birqatar iri ónerkásiptik jáne infraqurylymdyq kásiporyndar ornalasqan.
Eske sala keteiik, QR Premer-Ministri Qazaqstan óńirlerine jumys saparyn jalǵastyrýda. Josparlanǵan kestedegi birinshi oblys Shyǵys Qazaqstan oblysy boldy. Búgin Baqytjan Saǵyntaev Batys Qazaqstan oblysynda boldy, endigi Aqtóbe oblysyna keldi.
