Almaty qalasynyń ákimi Baqytjan Saǵyntaev qala infraqurylymyn damytý máselelerin qarastyrǵan birqatar ekijaqty kezdesýler ótkizdi, dep habarlaidy "Ult aqparat".
Baqytjan Saǵyntaev Meridiam kompaniiasynyń Túrkiia men Eýraziia boiynsha direktory Omri Geinsbýrgpen qoǵamdyq kólik jáne kommýnaldyq infraqurylym, áleýmettik mańyzy bar qurylys nysandaryn salý boiynsha investitsiialyq jobalardy júzege asyrýdyń yntymaqtastyq perspektivalaryn talqylady.
Aita ketsek, Meridiam kompaniiasy infraqurylymnyń ornyqty nysandaryn qarjylandyrýdy jáne uzaq merzimdi basqarýdy ázirleýge mamandanǵan jahandyq basqarýshy kompaniia bolyp tabylady.
Al ákiminiń Ahsel Holding kompaniiasy tobynyń direktorlar keńesiniń tóraǵasy Ahmet Hamdi Aianmen bolǵan kezdesýinde turǵyn úi nysandaryn salý boiynsha áńgime órbidi. Baqytjan Saǵyntaevqa zamanaýi turǵyn úi keshenderin, onyń ishinde quramyna qajetti búkil infraqurylym enetin qurylys jobalary kórsetildi.
Holdingke enetin kompaniialar Qazaqstanda birqatar iri nysandardy saldy, onyń ishinde «Interkontinental Ankara» qonaq úii, «Edelveis» pen «Aqkent» turǵyn úi keshenderi bar.
