Almaty ákimi Baqytjan Saǵyntaev juqpaly aýrýlar gospitaliniń qurylysyn bastaýǵa pármen berdi, dep habarlaidy "Ult aqparat".
Búgin Almaty qalasynyń ákimi Baqytjan Saǵyntaev 280 oryndyq provizorlyq gospitaldyń qurylysy bastalǵan alańǵa baryp, ondaǵy jumystarmen tanysty.
Gospital salý týraly sheshimdi koronavirýs infektsiiasyna qarsy kúres maqsatynda qurylǵan QR Prezidenti janyndaǵy tótenshe jaǵdai rejimin qamtamasyz etý týraly Memlekettik komissiia qabyldaǵan bolatyn.
Tez salynatyn qurylys jabdyqtarymen turǵyzylatyn nysan 280 orynǵa arnalǵan. Onyń ishinde 28-i intensivti terapiia bólimshesine tiesili bolady.
Az ýaqyt ishinde salyp bitirý úshin ádeii blokty qurylys materialdary tańdalǵan.
Gospital koronavirýs infektsiiasyn juqtyrǵan naýqastarmen bailanysta bolǵan jáne qaterli indetti juqtyrýy múmkin degen kúdikpen esepke alynǵan adamdarǵa arnalǵan.
«Mundai gospitaldar bizge indet juqtyrǵan jandardy der shaǵynda anyqtaýǵa, olardy dereý oqshaýlap, ýaqytynda ári júieli em-dom qabyldaýyna múmindik beredi. Sóitip biz qaterli infektsiianyń beleń alýyna jol bermei, qaladaǵy epidemiologiialyq ahýaldy turaqty ustap turatyn bolamyz», – dedi Baqytjan Saǵyntaev.
Aita keteiik, jańa gospital Alataý aýdanynda boi kóteredi.
Qazir nysannyń orny tegistelip jatyr.
Sondai-aq, qalalyq Qoǵamdyq densaýlyq saqtaý basqarmasynyń basshysy Tileýhan Ábildaevqa osy jobany qolǵa alǵan kompaniia ókilderimen birlesip gospitalǵa asa qajetti qural-jabdyqtar máselesin de pysyqtaýdy tapsyrdy.
Merdiger kompaniia ókilderine qolǵa alǵan barlyq jumysty sapaly ári ýaqytynda bitirýdi júktedi.
