QR Premer-Ministri Baqytjan Saǵyntaev Úkimet otyrysynda Dúniejúzilik týristik uiymnyń usynymdaryn eskere otyryp, Qazaqstannyń týristik salasyn odan ári damytý boiynsha sharalardy qabyldaýdy tapsyrdy, - dep habarlaidy "Ult aqparat".
Úkimet týristerge Qazaqstanǵa kelýge jaǵdailardy barynsha jeńildetý úshin vizalyq-kóshi-qon saiasatyn yryqtandyrý men áýe qatynastaryn damytý boiynsha jumystardy jalǵastyryp jatyr. Búgingi tańda elge vizasyz kire alatyn elderdiń tizimi 63 memleketke deiin ulǵaityldy, QHR azamattary úshin 72 saǵattyq vizasyz rejim jáne Astana áýejaiynda «ashyq aspan» rejimi qoldanysta. Sondai-aq, kóshi-qon politsiiasynda sheteldikterdi tirkeý, elektrondy vizalardy engizý, áýe qatynastaryn ártaraptandyrý máselelerin sheshý qajet.
QR Premer-Ministri Baqytjan Saǵyntaevtyń tapsyrmasy boiynsha, QR MSM otandyq týristik ónimder marketinginiń tiimdi modelin ázirleýde, sonymen qatar bul jeke brendti qurý men elimizdiń týristik áleýetin halyqaralyq arenada ilgeriletý arqyly júzege asyrylyp jatyr.
Úkimet máselelerdi qaraý qorytyndysy boiynsha týristik salany damytýdyń 2023 jylǵa deiingi tujyrymdamasyn qabyldady.
