Almaty ákimi Baqytjan Saǵyntaev qalanyń saýda ortalyqtary men bazar ókilderimen qatańdatylǵan karantin sharalary jóninde kezdesý ótkizdi, dep habarlaidy "Ult aqparat".
Onlain formatta ótken kezdesýge «Atameken» UKP-nyń ókilderi, qalanyń memlekettik bas sanitarlyq dárigeri Jandarbek Bekshin qatysty.
Jiyn barysynda qala ákimi Baqytjan Saǵyntaev 10 naýryzdan bastap kúrdelene túsken epidemiologiialyq ahýaldy túsindirdi. Almatyda epidemiia bastalǵaly beri koronavirýs infektsiiasynyń 33 012 jaǵdaiy tirkeldi. Sońǵy 7 kúnde aýrýǵa shaldyǵý koeffitsienti 146,2 qurady, reprodýktivti sany R - 1,082.
Qazirgi kezde infektsiianyń taralý qarqyny óte joǵary, bul mýtatsiialanǵan KVI shtamdarynyń tez juǵatynyn kórsetýde. Megapolis ákimi engizilgen shekteý sharalarynyń infektsiialar tizbegin úzýge jáne adamdar kóp jinalatyn jerlerde virýstyń taralýyn boldyrmaýǵa baǵyttalǵanyn atap ótti.
sanitarlyq-epidemiologiialyq baqylaý departamentiniń derekteri boiynsha, azamattar aýrýdy óz otbasylarynda juqtyrdy eken, mundaǵy naýqastar 28,6%-dan 34,2% -ǵa deiin ósti. Saýda nysandarynda juqtyrǵan adamdardyń úlesi 23,7%-dan 20,5%-ǵa deiin tómendegen, demalys kúnderi saýda-oiyn-saýyq ortalyqtary men saýda úileriniń, bazarlardyń qyzmetin toqtatý oń nátijesin berýde. Degenmen, bul kórsetkish qala turǵyndarynyń úi janyndaǵy dúkender men azyq-túlik jelilerine barýyna qatysty joǵary kúiinde qala beredi.
Kezdesýge qatysýshylar shekteý sharalary kezinde jumyssyz qalǵan bazar qyzmetkerleriniń sany týraly aqparatpen bólisti. Saýda ortalyqtary men saýda úileriniń ókilderi qoldaý sharalaryna jáne qatań karantindik sharalar sharttaryn qoldana otyryp, jumysty qaita jandandyrýǵa qatysty suraqtar qoidy.
