الماتى ەكٸمٸ باقىتجان ساعىنتاەۆ قالانىڭ ساۋدا ورتالىقتارى مەن بازار ٶكٸلدەرٸمەن قاتاڭداتىلعان كارانتين شارالارى جٶنٸندە كەزدەسۋ ٶتكٸزدٸ, دەپ حابارلايدى "ۇلت اقپارات".
ونلاين فورماتتا ٶتكەن كەزدەسۋگە «اتامەكەن» ۇكپ-نىڭ ٶكٸلدەرٸ, قالانىڭ مەملەكەتتٸك باس سانيتارلىق دەرٸگەرٸ جانداربەك بەكشين قاتىستى.
جيىن بارىسىندا قالا ەكٸمٸ باقىتجان ساعىنتاەۆ 10 ناۋرىزدان باستاپ كٷردەلەنە تٷسكەن ەپيدەميولوگييالىق احۋالدى تٷسٸندٸردٸ. الماتىدا ەپيدەمييا باستالعالى بەرٸ كوروناۆيرۋس ينفەكتسيياسىنىڭ 33 012 جاعدايى تٸركەلدٸ. سوڭعى 7 كٷندە اۋرۋعا شالدىعۋ كوەففيتسيەنتٸ 146,2 قۇرادى, رەپرودۋكتيۆتٸ سانى R - 1,082.
قازٸرگٸ كەزدە ينفەكتسييانىڭ تارالۋ قارقىنى ٶتە جوعارى, بۇل مۋتاتسييالانعان كۆي شتامدارىنىڭ تەز جۇعاتىنىن كٶرسەتۋدە. مەگاپوليس ەكٸمٸ ەنگٸزٸلگەن شەكتەۋ شارالارىنىڭ ينفەكتسييالار تٸزبەگٸن ٷزۋگە جەنە ادامدار كٶپ جينالاتىن جەرلەردە ۆيرۋستىڭ تارالۋىن بولدىرماۋعا باعىتتالعانىن اتاپ ٶتتٸ.
سانيتارلىق-ەپيدەميولوگييالىق باقىلاۋ دەپارتامەنتٸنٸڭ دەرەكتەرٸ بويىنشا, ازاماتتار اۋرۋدى ٶز وتباسىلارىندا جۇقتىردى ەكەن, مۇنداعى ناۋقاستار 28,6%-دان 34,2% -عا دەيٸن ٶستٸ. ساۋدا نىساندارىندا جۇقتىرعان ادامداردىڭ ٷلەسٸ 23,7%-دان 20,5%-عا دەيٸن تٶمەندەگەن, دەمالىس كٷندەرٸ ساۋدا-ويىن-ساۋىق ورتالىقتارى مەن ساۋدا ٷيلەرٸنٸڭ, بازارلاردىڭ قىزمەتٸن توقتاتۋ وڭ نەتيجەسٸن بەرۋدە. دەگەنمەن, بۇل كٶرسەتكٸش قالا تۇرعىندارىنىڭ ٷي جانىنداعى دٷكەندەر مەن ازىق-تٷلٸك جەلٸلەرٸنە بارۋىنا قاتىستى جوعارى كٷيٸندە قالا بەرەدٸ.
كەزدەسۋگە قاتىسۋشىلار شەكتەۋ شارالارى كەزٸندە جۇمىسسىز قالعان بازار قىزمەتكەرلەرٸنٸڭ سانى تۋرالى اقپاراتپەن بٶلٸستٸ. ساۋدا ورتالىقتارى مەن ساۋدا ٷيلەرٸنٸڭ ٶكٸلدەرٸ قولداۋ شارالارىنا جەنە قاتاڭ كارانتيندٸك شارالار شارتتارىن قولدانا وتىرىپ, جۇمىستى قايتا جانداندىرۋعا قاتىستى سۇراقتار قويدى.
