«Nur Otan» partiiasy Almaty qalalyq filialynyń tóraǵasy, qala ákimi Baqytjan Saǵyntaev filialdyń kezekti jiynyn ótkizdi. Onda bastaýysh partiia uiymdary jumystarynyń tiimdiligin arttyrý máselesi qaraldy, dep habarlaidy "Ult aqparat".
Jiynda «Qutty meken» jobasyn júzege asyrýǵa, partiianyń Almaty qalalyq filialy bastaýysh partiia uiymdarynyń jumysyn qaita qurýǵa, «Taza sessiia» aktsiiasy aiasynda joǵary oqý oryndary arasynda júrgizilgen saýalnama qorytyndysyna qatysty máseleler qaraldy.
Sonymen qatar, partiianyń qalalyq filialynyń qoǵamdyq qabyldaýynda 2019 jyldyń 9 aiy ishinde memlekettik organdar basshylaryna azamattardyń joldaǵan ótinishteri jáne «Almaty-2020» qalany damytý baǵdarlamasy da aityldy.
«Partiialyq baqylaý barysynda «Qutty meken» jobasy boiynsha nysandarda injenerlik jáne áleýmettik infraqurylym salýdyń kesteden tys qalý faktileri anyqtaldy. Onyń sebebi – tehnika men jumysshy kúshi jetispeitin merdigerlerdiń jaýapsyzdyǵy», - dedi Saǵyntaev.
Sondai-aq, Baqytjan Saǵyntaev aitylǵan barlyq problemalardy joiý úshin naqtyly sharalardy iske asyrýdy tapsyrdy.
«Aýdandyq filialdardyń tóraǵalary – aýdan ákimderi bir ai ishinde kem degende bir ret partiialyq baqylaý komissiialarynyń otyrystaryn ótkizip turýlary tiis. Partiianyń qalalyq filialy tóraǵasynyń birinshi orynbasary Stanislav Kankýrov jobany júzege asyrý jáne tekserý qorytyndysy boiynsha oryn alǵan kemshilikterdi joiýǵa qatysty júrgizilgen jumystar boiynsha partiia filialynyń apparattyq jiynyna aqparat usynýy qajet,- dep qosty partiia jiynynda Saǵyntaev.
Almaty qalalyq filialynyń tóraǵasy, partiialyq jumys jetkiliksiz qamtylǵan jerlerdegi ýchaskelerde elektrondy karta negizinde «bastaýyshtardy» qurýdy, «Jas Otan» jastar qanatynyń qalalyq filialyna joǵary oqý oryndarynyń barlyq oqý korpýstary men jataqhanalarda «Senim jáshigi» jobasyn iske asyrýdy tapsyrdy.
