Almatyda shahar basshysy Baqytjan Saǵyntaevtyń tóraǵalyǵymen «Nur Otan» partiiasy filialynyń saiasi keńesiniń otyrysy ótti, dep habarlaidy "Ult aqparat".
Saiasi keńeste qala turǵyndaryn tolǵandyratyn ózekti máselelerdi tiimdi sheshýge nurotandyqtardyń jumysyn qaita baǵdarlaý mindeti qoiyldy. Sondai-aq, partiianyń kezekten tys seziniń delegattary sailandy.
«Nur Otan» partiiasynyń Almaty qalalyq filialy saiasi keńesiniń jumysyna filialdyń aktivi, depýtattar men aýdandyq filialdardyń ókilderi qatysty.
«Nur Otan» partiiasy Almaty qalalyq filialynyń saiasi keńesi Memleket basshysy Q. Toqaevtyń Almatyda konstitýtsiialyq tártipti ornatý jáne turǵyndardyń qaýipsizdigin qamtamasyz etý úshin qabyldaǵan sharalaryn biraýyzdan qoldady. El Prezidentiniń batyl áreketteriniń arqasynda qalanyń tynys-tirshiligi qysqa merzimde turaqtaldy.
Saǵyntaev Memleket basshysynyń tapsyrmalaryn oryndaý aiasynda Almatyda ShOB shyǵyndaryn óteý, sondai-aq qalanyń zardap shekken ǵimarattary men qurylystaryn qalpyna keltirý boiynsha jumystar belsendi júrgizilip jatqanyn eske saldy.
Baǵanyń ósýin tejeý jónindegi sharalardy iske asyrý aiasynda úi janyndaǵy dúkenderde áleýmettik mańyzy bar azyq-túlik ónimderiniń quny tómendedi, et ónimderin ótkizý boiynsha qosymsha áleýmettik dúkender ashylýda.
«Nur Otan» partiiasy Almaty qalalyq filialynyń tóraǵasy, qala ákimi B. Saǵyntaev nurotandyqtardyń jumysty qala turǵyndaryn tolǵandyratyn ózekti máselelerdi tiimdi sheshýge baǵyttaýy kerektigin atap ótti. Halyqtyń jumysqa ornalasýǵa, bilimge qol jetkizýge, áleýmettik qoldaýǵa, infraqurylymdy damytýǵa qatysty saýaldaryn sheshýge erekshe nazar aýdarý qajet.
Partiianyń kezekten tys sezine 28 nurotandyq qatysady. Delegattar qatarynda «Nur Otan» partiiasynyń saiasi keńesi men baqylaý-tekserý komissiiasynyń músheleri, sondai-aq partiianyń aýdandyq filialdary men Jas Otan jastar qanatynyń ókilderi bar.
Jarǵy qujattaryna súiene otyryp, partiianyń Almaty qalalyq filialynyń tóraǵasy, qala ákimi Baqytjan Saǵyntaev «Nur Otan» partiiasy Saiasi keńesiniń múshesi retinde sezd delegattarynyń qataryna kirdi.
