Almaty qalasynyń ákimi Baqytjan Saǵyntaev onlain brifing barysynda koronavirýs infektsiiasynan qalai qorǵanyp júrgenin aitty, dep habarlaidy "Ult aqparat".
«Koronavirýstan qorǵaýdyń bir ǵana tásili bar, ol - maska. Men maskasyz júrmeimin, ony ózderińiz de kórip otyrsyzdar. Jumys kabinetimde kóp otyrmaimyn. Qaltamda árqashan qosalqy maska júredi. Óitkeni kóp júrgen kezde, eki-eki jarym saǵatta aýystyryp otyrý kerek. Sol kezde jańasyna aýystyra salamyn. Maskasyz júrgen adamǵa qaltańyzda maskańyz bolsa, maskańyzdy taǵyp alyńyz dep suraimyn. Óitkeni siz ózińizdi ǵana emes, tóńiregińizde turǵan bizdi oilańyz. Bir-birimizdi qorǵap júrýimiz qajet. Maskasyz júrgen adamǵa artyq maska bolsa, sol kisilerge berip, maskamen júrýin suraimyz», – dedi Saǵyntaev.
Sondai-aq ákim sanitarlyq talaptaryn saqtaný arqyly keselden qorǵanýǵa bolatynyn eske saldy.
«Sanitaizermen qoldy jýyp, adam kóp shoǵyrlanǵan jerden aýlaq júrip, araqashyqtyqty saqtap, barlyq talaptardy ustanamyn, «Saqtańsań, saqtaimyn!» degen ǵoi. Aldymen ózińdi qorǵap júrer bolsań, bul keselden qorǵanýǵa bolady», – deidi Almaty ákimi.
