الماتى قالاسىنىڭ ەكٸمٸ باقىتجان ساعىنتاەۆ ونلاين بريفينگ بارىسىندا كوروناۆيرۋس ينفەكتسيياسىنان قالاي قورعانىپ جٷرگەنٸن ايتتى, دەپ حابارلايدى "ۇلت اقپارات".
«كوروناۆيرۋستان قورعاۋدىڭ بٸر عانا تەسٸلٸ بار, ول - ماسكا. مەن ماسكاسىز جٷرمەيمٸن, ونى ٶزدەرٸڭٸز دە كٶرٸپ وتىرسىزدار. جۇمىس كابينەتٸمدە كٶپ وتىرمايمىن. قالتامدا ەرقاشان قوسالقى ماسكا جٷرەدٸ. ٶيتكەنٸ كٶپ جٷرگەن كەزدە, ەكٸ-ەكٸ جارىم ساعاتتا اۋىستىرىپ وتىرۋ كەرەك. سول كەزدە جاڭاسىنا اۋىستىرا سالامىن. ماسكاسىز جٷرگەن ادامعا قالتاڭىزدا ماسكاڭىز بولسا, ماسكاڭىزدى تاعىپ الىڭىز دەپ سۇرايمىن. ٶيتكەنٸ سٸز ٶزٸڭٸزدٸ عانا ەمەس, تٶڭٸرەگٸڭٸزدە تۇرعان بٸزدٸ ويلاڭىز. بٸر-بٸرٸمٸزدٸ قورعاپ جٷرۋٸمٸز قاجەت. ماسكاسىز جٷرگەن ادامعا ارتىق ماسكا بولسا, سول كٸسٸلەرگە بەرٸپ, ماسكامەن جٷرۋٸن سۇرايمىز», – دەدٸ ساعىنتاەۆ.
سونداي-اق ەكٸم سانيتارلىق تالاپتارىن ساقتانۋ ارقىلى كەسەلدەن قورعانۋعا بولاتىنىن ەسكە سالدى.
«سانيتايزەرمەن قولدى جۋىپ, ادام كٶپ شوعىرلانعان جەردەن اۋلاق جٷرٸپ, اراقاشىقتىقتى ساقتاپ, بارلىق تالاپتاردى ۇستانامىن, «ساقتاڭساڭ, ساقتايمىن!» دەگەن عوي. الدىمەن ٶزٸڭدٸ قورعاپ جٷرەر بولساڭ, بۇل كەسەلدەن قورعانۋعا بولادى», – دەيدٸ الماتى ەكٸمٸ.
