Almaty ákimi Baqytjan Saǵyntaev halyqpen esepti kezdesýinde koronavirýspen kúres júrgizýde qandai sharalar qolǵa alynyp jatqanyn aitty, dep habarlaidy "Ult aqparat".
Ákimniń aitýynsha, osy baǵytta shuǵyl túrde qala ákiminiń orynbasary Erjan Babaqumarovtyń basshylyǵymen arnaiy shtab qurylǵan.
«Barlyq qala qyzmetteri iske qosyldy. BAQ-tyń qatysýymen birneshe oqý-jattyǵý jumystaryn júrgizdik. Jolaýshylardy ushaqtan túsirip alyp, kútý zalyna deiin apardyq. Barlyq jerde dári dármek pen palatalar jabdyqtaldy. Basynda halyq arasynda hantalapai bastaldy. Betperdelerdi túgel satyp alyp ketti. Qosymsha tapsyrys berýge týra keldi. Qazir qalada betperdeler jetkilikti. Barlyq Qytaidan kelgen azamattardy aty-jónimen tekserdik. Baqytymyzǵa qarai, koronavirýs eshqaisysynda joq», - dedi ákim.
