Baqytjan Saǵyntaev koronavirýs infektsiiasynyń taralýynyń aldyn alý jónindegi óńirlik shtabtyń otyrysyn ótkizdi, dep habarlaidy "Ult aqparat".
Jiyn barysynda ákim orynbasary - shtab basshysy Erjan Babaqumarov, qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova, Qoǵamdyq densaýlyq saqtaý basqarmasynyń basshysy Tileýhan Ábildaev, Kóliktegi taýarlar men qyzmetterdiń sapasyn jáne qaýipsizdigin baqylaý komiteti basqarmasynyń basshysy Nurlan Doǵalbaevtyń esebi tyńdaldy.
Ýákiletti organ ókilderiniń aitýynsha, qazir qalada koronavirýs juqpasy joq.
Búginde qalada 490 adam karantinge alynǵan. Olardyń 407-si úilerinde oqshaýlansa, qalǵany túrli meditsinalyq mekemelerinde statsionarda jatyr.
Karantindegi tulǵalardyń eshqaisysynda kataraldy belgiler bilinbeidi.
Osy juqpanyń aldyn alý maqsatynda indetke qarsy profilaktikalyq sharalar kesheni qolǵa alyndy.
Qala ákimi azamattardy diagnostikalyq testileý ótkizý múmkindigin keńeitý, úi karantininde jatqan azamattardyń densaýlyǵyn baqylap otyrǵan mekeme qyzmetkerleriniń jumysyn jaqsartý kerektigin aitty.
Sonymen qatar, biliktiń epidemiiaǵa qarsy qolǵa alǵan sharalary jaily aqparattyń ashyqtyǵyn qamtamasyz etýdi tapsyrdy.
Jiyndy qorytyndylai kele Baqytjan Saǵyntaev koronavirýs tirkelgen jaǵdaida qalanyń tirshiligin qamtamasyz etý algoritmin jasaýdy buiyrdy.
