Búgin ótken Úkimet otyrysynda Premer-Ministr Baqytjan Saǵyntaev memlekettik menshikti jekeshelendirýge qatysty tolyq aqparatty, sonyń ishinde osy salada baiaý jumys jasap jatqan oblystardy ashyq kórsetýdi tapsyrdy, dep xabarlaidy QazAqparat.
Premer-Ministrdiń aitýynsha, shartty usynystardy jasaǵannan eshteńe shyqpaidy. "Jekeshelendirý aiasynda tártip buzýshylyqtar kóp. Ásirese, jergilikti jerdegi jaǵdaidy qatań baqylaýǵa alý qajet. Iá, usynystar jasaldy. Baqylaýǵa alý qajet, alyp tastaý kerek deimiz. Degenmen, bunyń barlyǵy - shartty nárse. Kelesi joly atalǵan tártip buzýshylyqtar taǵy qaitalanady. Basqa bir mexanizmdi jasaý qajet siiaqty. Bálkim, barlyǵy bilsin dep jariialap qoiamyz ba?! Máselen, bir jerde jekeshelendirý kezinde tártip buzýshylyqqa jol berilse, sony ashyq jariialaýǵa bolady. Nysandy baǵalaý jumysyn ádeii sozǵan jaǵdaida da bárin ashyq kórsetý kerek. Áitpese, biz "baqylaýǵa alý qajet, baqylaýda ustaý qajet" deimiz de, odan eshteńe ózgermeidi", - dedi B.Saǵyntaev.
Osy oraida QR Qarjy ministri Baqyt Sultanov atalǵan aqparattyń gosreestr.kz saitynda jariialanatynyn jetkizdi. Alaida Úkimet basshysy Baqytjan Saǵyntaev barlyq málimetterdi xalyq oqityn resýrstarǵa shyǵarý qajettigine basa nazar aýdardy.
"Baqyt Turlyxanuly, gosreestr.kz-di kim qaraidy? Siz qaraityn shyǵarsyz. Ákimdikter qaraidy. Ony qoǵam qaraýy qajet. Sondyqtan xalyq oqityn saittarǵa shyǵaryńyz. Jekeshelendirýdiń naqty qai oblysta, qalai júrip jatqanyn jáne qandai tártip buzýshylyqtardyń bar ekenin bári kórsin. Toqsan saiyn árbir oblys, árbir xolding boiynsha naqty aqparatty jariialap turý qajet. Áitpese, búgin jalpy aqparatty aittyq ta, kim jáne qalai atqaryp jatqanyn túsinbei qaldyq", - dep atap kórsetti QR Premer-Ministri.
Aita keteiik, otyrys barysynda Baqytjan Saǵyntaev jekeshelendirýden túsken qyrýar qarjyny Ulttyq qorǵa ýaqytynda aýdarýdy tapsyrdy.
Al Ulttyq ekonomika ministri Timýr Súleimenov inventarizatsiiadan keiin jańa kásiporyndardyń sańyraýqulaqtai qaptap ketetini úshin syn estidi.
