Osy aptadan bastap barlyq óńirdiń áleýmettik-ekonomikalyq kórsetkishteri boiynsha esebi tyńdalady. Bul týraly búgin Úkimet otyrysynda QR Premer-Ministri Baqytjan Saǵyntaev aitty, dep habarlaidy QazAqparat tilshisi.
«6 aidyń qorytyndysy boiynsha 4,1 paiyz ósim bar, oń kórsetkish dep te aityp jatyrmyz. Biraq, byltyrǵy jartyjyldyqpen salystyratyn bolsaq, ol kezde 4,3 paiyz bolǵan. Iaǵni, byltyrǵy jylǵy kórsetkishke qol jetizgen joqpyz. Sol sebepten ministrler bar, óńirler bar barlyǵymyz el ekonomikasynyń ósimin qamtamasyz etý boiynsha qajetti sharalardy qabyldaýymyz qajet»,- dedi ol.
Osy oraida Baqytjan Saǵyntaev búgin Elbasynyń qabyldaýynda bolyp, jartyjyldyqtyń qorytyndysyn baiandaǵanyn basa aitty.
«Bizge qoiylyp otyrǵan talap - osy qarqynymyzdy joǵaltpaý, jyldyń sońyna deiin 4 paiyzdan tómen ósimdi boldyrmaý. Endigi ýaqytta ótken ailardaǵy kórsetkishter bir-birimen salystyryp otyramyz. Osy aptadan bastap jobalyq keńse boiynsha barlyq ministrler men óńirlerdiń indikatorlarǵa qol jetkizý máselesine qatysty esebin tyńdaityn bolamyz. Soǵan daiyn bolyńyzdar. Kórsetkishterge nelikten qol jetkizilmegenin muqiiat qaraimyz», - dedi Úkimet basshysy.
