Búgin Úkimet otyrysynda QR Premer-Ministri Baqytjan Saǵyntaev ózin-ózi jumyspen qamtyǵan azamattardy formalizatsiialaý jónindegi jol kartasyn iske asyrý barysyn qaraý qorytyndysy boiynsha formaldy emes jumyspen ainalysatyn adamdardy el ekonomikasyna tartý jumystaryn jalǵastyrýdy tapsyrdy, dep habarlaidy "Ult aqparat".
«Jalpy azamattardyń statýsyn anyqtaý jáne olardy el ekonomikasyna tartý boiynsha jumys atqarylyp jatyr. Atalǵan jumysty jalǵastyryp, jańǵyrtý qajet. Bizdiń basty mindetimiz – árbir azamatty eńbekke tartý», — dep Premer-Ministr, ákimdikterge osy baǵyttaǵy jumysty kúsheitýdi tapsyrdy.
Baqytjan Saǵyntaev tsifrlandyrý arqyly azamattardyń derekterin anyqtaýdyń usynylyp otyrǵan jańa formaty durys ári ýaqytyly ekenin atap ótti. Osyǵan orai, Eńbek jáne halyqty áleýmettik qorǵaý ministrligine Aqparat jáne kommýnikatsiialar ministrligimen birlesip tsifrlandyrýdyń jańa arnalaryn engizýdi qamtamasyz etý jumystaryn jalǵastyrý tapsyryldy.
Sonymen qatar, QR EHÁQM halyqty jumyspen qamtýdy formalizatsiialaý jónindegi zań jobasy boiynsha jumystardy jyldamdatýy qajet.
Eske sala keteiik, Formaldy emes jumyspen qamtylǵan halyqty formalizatsiialaý jáne olardy elimizdiń ekonomikasyna tartý jónindegi jol kartasyn iske asyrý aiasynda jyl basynan beri memlekettik derekter bazasynda 1,385 mln adamnyń statýsy anyqtaldy.
