QR Premer-Ministri Baqytjan Saǵyntaev Úkimet otyrysynda egin jinaý jumysynyń ýaqytyly aiaqtalýyn baqylaýǵa alýdy tapsyrdy.
QR Premer-Ministriniń orynbasary – aýyl sharýashylyǵy ministri Ómirzaq Shókeev pen oblys ákimderiniń baiandamasyn tyńdaǵan soń, Premer-Ministr jaýyn-shashynnyń áserinen negizgi astyq egetin óńirler byltyrǵy jylmen salystyrǵanda egin jinaý kestesinen 20-25%-ǵa qalyp kele jatqanyn aitty.
Baqytjan Saǵyntaev qazirgi aýa-raiyn qoldanyp, egin jinaý jumysyn ýaqytyly aiaqtaýdy tapsyrdy.
«Ózderińiz kórip otyrǵandai jaýyn-shashyn kedergi bolyp, egin jinaý ýaqyty kesheýildeýde. Byltyrǵy jylmen salystyrǵanda kórsetkishterimiz 20-25 paiyzǵa tómen. Degenmen, qazirgi kúngi aýa raiynyń qolailylyǵyn paidalana otyryp, astyq jinaý naýqanyn ýaqytynda bitirýdi qolǵa alýdy tapsyramyn», - dedi Úkimet basshysy.
Energetika ministrligine óńirlerge qosymsha janar-jaǵarmai bólýdi, Aqmola oblysy ákimdiginiń qazan aiyndaǵy beriletin janar-jaǵarmaiyn qyrkúiekte bólý týraly usynysyn qarastyrý QR Premer-Ministriniń birinshi orynbasary A. Maminniń baqylaýyna berildi.
Egin jinaý jumysyn úilestirý men ony kúndelikti baqylaý Premer-Ministrdiń orynbasary – aýyl sharýashylyǵy ministri Ómirzaq Shókeevke tapsyryldy.
