Almaty ákimi Baqytjan Saǵyntaev Almatydaǵy LRT qurylysy týraly aitty, dep habarlaidy "Ult aqparat".
«LRT-ǵa qatysty. Bir ákim qalaidy, ekinshi ákim qalamaidy degen áńgime bolmasyn. Neniń esebinen qurý qajettigin ár ákimniń ózi sheshedi. Osyny túsiný kerek. Meniń osynda kelgeli birinshi isim LRT qansha turady, oǵan qajetti aqshany qaidan alamyz degen suraq boldy. Mańyzdy másele. Qala biýdjetinde ondai aqsha joq. Biz Úkimetke júgindik: aqsha berińizder, biz keler jyly qurylysty bastaimyz dedik. Biraq osy jobanyń qarjy modeli bizge júrmeidi. Jumys istep jatyrmyz. Qomaqty qarjy – alǵashqy jyldyń ózinde 60 mlrd quiý kerek. Ony qalanyń qai túkpirinen alamyz? Sondyqtan bul jerde Saǵyntaev keldi de, LRT kerek emes dep aitty degen kózqaras turǵysynan qaramaý kerek. Men basqa tustan qaraimyn. LRT bolǵanyn men de qalaimyn, biraq ony qalanyń qarajatyna salmaimyn. Mundai nárseler respýblikanyń esebinen salynady. Mine, jolairyqtyń bári Úkimettiń esebinen salynyp jatyr», - dedi qala ákimi jurtshylyqpen kezdesýde.
Aita keteiik, kezdesýde sarapshylar men qoǵam belsendileri megapolistiń 2050 jylǵa deiingi damý strategiiasyn talqylady. Sharada belsendi Aida Áljanova ekologiialyq kólik dep LRT taqyrybyn kótergen bolatyn.
