الماتى ەكٸمٸ باقىتجان ساعىنتاەۆ الماتىداعى LRT قۇرىلىسى تۋرالى ايتتى, دەپ حابارلايدى "ۇلت اقپارات".
«LRT-عا قاتىستى. بٸر ەكٸم قالايدى, ەكٸنشٸ ەكٸم قالامايدى دەگەن ەڭگٸمە بولماسىن. نەنٸڭ ەسەبٸنەن قۇرۋ قاجەتتٸگٸن ەر ەكٸمنٸڭ ٶزٸ شەشەدٸ. وسىنى تٷسٸنۋ كەرەك. مەنٸڭ وسىندا كەلگەلٸ بٸرٸنشٸ ٸسٸم LRT قانشا تۇرادى, وعان قاجەتتٸ اقشانى قايدان الامىز دەگەن سۇراق بولدى. ماڭىزدى مەسەلە. قالا بيۋدجەتٸندە ونداي اقشا جوق. بٸز ٷكٸمەتكە جٷگٸندٸك: اقشا بەرٸڭٸزدەر, بٸز كەلەر جىلى قۇرىلىستى باستايمىز دەدٸك. بٸراق وسى جوبانىڭ قارجى مودەلٸ بٸزگە جٷرمەيدٸ. جۇمىس ٸستەپ جاتىرمىز. قوماقتى قارجى – العاشقى جىلدىڭ ٶزٸندە 60 ملرد قۇيۋ كەرەك. ونى قالانىڭ قاي تٷكپٸرٸنەن الامىز? سوندىقتان بۇل جەردە ساعىنتاەۆ كەلدٸ دە, LRT كەرەك ەمەس دەپ ايتتى دەگەن كٶزقاراس تۇرعىسىنان قاراماۋ كەرەك. مەن باسقا تۇستان قارايمىن. LRT بولعانىن مەن دە قالايمىن, بٸراق ونى قالانىڭ قاراجاتىنا سالمايمىن. مۇنداي نەرسەلەر رەسپۋبليكانىڭ ەسەبٸنەن سالىنادى. مٸنە, جولايرىقتىڭ بەرٸ ٷكٸمەتتٸڭ ەسەبٸنەن سالىنىپ جاتىر», - دەدٸ قالا ەكٸمٸ جۇرتشىلىقپەن كەزدەسۋدە.
ايتا كەتەيٸك, كەزدەسۋدە ساراپشىلار مەن قوعام بەلسەندٸلەرٸ مەگاپوليستٸڭ 2050 جىلعا دەيٸنگٸ دامۋ ستراتەگيياسىن تالقىلادى. شارادا بەلسەندٸ ايدا ەلجانوۆا ەكولوگييالىق كٶلٸك دەپ LRT تاقىرىبىن كٶتەرگەن بولاتىن.
