Almaty ákimi Baqytjan Saǵyntaev Almaty men Talǵar arasyndaǵy keptelisten qalai qutylýǵa bolatynyn aitty, dep habarlaidy QazAqparat.
Onyń aitýynsha, qazir qalada BRT jelisiniń ekinshi kezegi jasalyp jatyr. Bul jol Shyǵys ainalma jolyna deiin sozylady.
«BRT jelisin Shyǵys ainalma jolyna jetkizgen sebebimiz, bul jerde biz arnaiy depo ashýdy josparlap otyrmyz. Talǵar jaqtan keletin jolaýshylar osy aradan avtobýsqa otyratyn bolady», - dedi Saǵyntaev.
Onyń aitýynsha, ákimdik jańa jobany qolǵa alǵan.
«Biz osy máseleni byltyr Elbasyǵa, Memleket basshysyna baiandaǵan edik. «Qazaqstan Temir joly» kompaniiasyna tapsyrma berildi. Talǵardan Almatyǵa deiin elektr poiyzdaryn júrgizý kerektigin aittyq. Qazir osy jobaǵa jeke investor tabyldy. Ákimdik QTJ birige otyryp jumys tobyn qurdy. Talǵardan adamdar elektr poiyzdarymen depoǵa deiin qatynaýy tiis. Sosyn ary qarai olar atvobýstarǵa otyrady. Bul keptelis máselesin shesher edi», - dedi Saǵyntaev.
