Almaty ákimi Baqytjan Saǵyntaev barlyq azamattardy sanitarlyq-epidemiologiialyq qaýipsizdik sharalaryn saqtaýǵa jáne vaktsina salýǵa shaqyrdy. Bul jaǵdaidy turaqtandyrýǵa múmkindik beredi, dep habarlaidy "Ult aqparat".
«Almaty» telearnasynyń tikelei efirinde ákim 957 myń almatylyq vaktsina salyrǵanyn, onyń ishinde 277 144 adam ekpeniń birinshi komponentin alǵanyn atap ótti.
«Búgingi kúni vaktsinatsiia deńgeii burynǵydai emes, sál báseńsidi. Biz turǵyndar arasynda túsindirý jáne aqparattandyrý jumystaryn júrgizip jatyrmyz. Halyq arasynda qorqynysh bar, vaktsina týraly neshe túrli aqparat taratýshylar kóp. Antivakserlar uiyqtamaidy. Ártúrli áńgimeler oilap, áleýmettik jeli arqyly taratady. Men olardy tyńdamaýǵa kerisinshe dárigerler men ekpe saldyrǵan adamdardy tyńdaýǵa keńes beremin», - dedi ákim.
Onyń aitýynsha, qalada koronavirýs juqtyrǵandar sany azaiyp keledi.
«Eger biz osy baǵytymyzben alǵa jylji bersek, onda jaqyn arada biz «qyzyl» aimaqtan shyǵamyz. Sol kezde kóptegen shekteýler alynyp tastalady», - dep qosty Baqytjan Saǵyntaev.
