Búgin Almatyda Memleket basshysy N. Nazarbaevtyń bastamasymen ótip jatqan «Jahandaný dáýirindegi tsifrlyq kún tártibi» forýmy aiasynda QR Premer-Ministri Baqytjan Saǵyntaev aqparattyq tehnologiialar salasyndaǵy yntymaqtastyq máseleleri jóninde halyqaralyq kompaniialardyń basshylarymen jáne sheteldik sarapshylarmen kezdesti, dep habarlaidy "Ult aqparat" Úkimet basshysynyń baspasóz qyzmetine silteme jasap.
Kezdesýge Gartner kompaniiasynyń vitse-prezidenti Andrea Di Maio, Ulybritaniia Úkimetiniń tehnologiialar jónindegi keńesshisi Liam Maksvell, Dúniejúzilik banktiń tsifrlyq strategiia jáne úkimettik saraptaý jónindegi keńesshisi Randip Sýdan, Dúniejúzilik banktiń AT jáne elektronika baǵytynyń basshysy Danil Kerimi, Resei men TMD-daǵy IDC vitse-prezidenti Robert Farish qatysty.
Kezdesý barysynda QR Premer-Ministri Baqytjan Saǵyntaev QR Prezidenti N. Nazarbaevtyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Qazaqstan halqyna Joldaýynyń negizgi mindetteri týraly aityp berdi. Qatysýshylar, sondai-aq, «Tsifrlyq Qazaqstan» memlekettik baǵdarlamasynyń negizgi baǵyttaryn jáne shet memleketter men iri kompaniialardyń tsifrlyq transformatsiialaý tájiribesin talqylady.
«Bizdi Qazaqstanǵa shaqyrǵanyńyz úshin alǵys aitamyz. Biz — úkimetter, ózara básekelespeimiz, sondaqtan da birqatar máseleler boiynsha yntymaqtasýǵa múmkindik bar ekenin atap ótken jón. Biz óte kóp ýaqyt jumsadyq (esk. – tsifrlandyrý protsesi týraly), al búginde óz tájiribemizben bólise alamyz. Sizderge túrli eldermen yntymaqtasýǵa keńes beremiz. Biz Malaiziiamen, Singapýrmen yntymaqtastyq ornattyq, Ýrýgvaimen ózara árekettesý jaǵdailaryn jasap jatyrmyz», — dedi Ulybritaniia Úkimetiniń tehnologiialar jónindegi keńesshisi Liam Maksvell.
Dúniejúzilik banktiń AKT sektorynyń basshysy Randip Sýdan Almatyda ótkizilip jatqan forýmnyń paidasy men túrli kózqarastardy zertteýdiń mańyzdylyǵyn atap ótti. «Tájiribe kórsetkendei, birinshiden, máseleni anyqtaý jáne mindetterdi belgilep alý mańyzdy. Ekinshiden, bul – osyndai forýmdarda jumys nátijelerin qorytyndylaý múmkindigi», — dedi Randip Sýdan.
Gartner kompaniiasynyń basqarýshy vitse-prezidenti Andrea Di Maio álemdik tsifrlandyrý tájiribesi týraly aita otyryp, ýaqytsha parametrlerge toqtalyp ótti.
«Josparlarǵa aldyn ala nazar aýdarý kerek, sondai-aq, eń bastysy – negizgi basymdyqtardy túsiný úshin ishki jaǵdaiǵa jáne ainalaǵa kóz tastaýdy usynamyn. Qazir sizderde baǵdarlama men júieli basymdyqtar bar. Sizderdiń keleshegińiz – 2020–2025 jyldar, odan ári transformatsiia protsesi ondaǵan jyldar boiy jalǵasa beredi», — dedi Andrea Di Maio.
Resei men TMD-daǵy IDC vitse-prezidenti Robert Farish óz kezeginde, joǵary deńgeidegi kóshbasshynyń tsifrlandyrý jumysyna qatysqany óte mańyzdy ekenin aityp ótti. Sarapshynyń pikirinshe, bul – jumys tiimdiligin arttyrady.
