QR Premer-Ministri Baqytjan Saǵyntaev Aqtóbe oblysyna jumys sapary aiasynda Aqtóbe ferroqorytpa zaýytyna bardy, dep habarlaidy "Ult aqparat" QR Premer-Ministriniń baspasóz qyzmetine silteme jasap.
Zaýytty aralaý kezinde QR Premer-Ministri óndiristiń jumysy men kásiporynnyń budan keiingi josparlarymen tanysty. Sonymen qatar B. Saǵyntaev zaýytta jumys istep turǵan peshterdi kórip, daiyn ónim tieletin bólimde boldy.
Aita ketý kerek, zaýyt pen taý-ken baiytý kombinatynda shikizatty óndirý, ony óńdeý jáne metall daiyndaýǵa deiingi tolyq tsikldi jumystar júrgiziledi. AFZ jylyna shamamen 300 myń tonna ferroqorytpa shyǵarady.
Nysandy aralaý qorytyndysy boiynsha B. Saǵyntaev oblystyń iri ónerkásiptik kásiporyndary Memleket basshysynyń Qazaqstan halqyna Joldaýynda belgilegen tapsyrmalaryn júzege asyrýǵa óz úlesin qosý úshin barlyq qajetti múmkindikteri bar ekenin atap ótti. Atap aitqanda, óndiriske Tórtinshi ónerkásiptik tóńkeris elementterin, onyń ishinde, avtomattandyrýdy, robottandyrý, «úlken kólemdi derektermen almasý» jáne t.b. endire alady.
Aita ketý kerek, QR Premer-Ministri óńirlerge jumys sapary kezinde elimizdiń iri ónerkásiptik kásiporyndaryn aralaýǵa jáne óndiristi tehnologiialyq jańǵyrtý máseleleri boiynsha eńbek ujymdarymen kezdesý ótkizýge basa nazar aýdarady.
