Bilim júiesine latyn grafikasyndaǵy qazaq tili álipbiin engizýdiń ár kezeńi tyńǵylyqty pysyqtalady. Bul týraly Bilim jáne ǵylym ministri Erlan Saǵadiev málim etti, dep habarlaidy QazAqparat.
«Ózderińiz bilesizder, búginde ǵalymdar jumystaryn jalǵastyryp jatyr. Osy oraida emle-ereje kerek, bizge grammatikany jazyp, qajetti sózdikterdi shyǵarý kerek, sondai-aq terminologiiany pysyqtaý qajet. Jalpy, belgilengen aýqymdy jumys júzege asyrylǵannan keiin, biz aprobatsiia protsesin bastaimyz», - dep túsindirdi E. Saǵadiev Ortalyq kommýnikatsiialar qyzmetindegi baspasóz máslihatynda.
Osy oraida ministr latyn qarpine kóshý úderisi iriktelgen mektepterde, stýdenttik ortada júrgiziletinin atap ótti. Tek osyndai tyńǵylyqty pysyqtalǵan sharalardan keiin ǵana birinshi synypqa deiingi jáne birinshi synyp ustazdaryn daiarlaý bastalady.
«Barlyq qajetti degen jumystar eskerilgennen keiin ǵana latyn grafikasyndaǵy qazaq tili álipbiin bilim berý júiesine, mektepterde ári ýniversitetterde engizýdiń kestesin talqylaimyz», - dep naqtylady ministr.
Onyń aitýynsha, osy úlken jumystyń árbir kezeńin vedomstvo muǵalimdermen, mektep direktorlarymen, ýniversitet pedagogtarymen, sarapshylarmen talqylap, sáikesinshe usynystar respýblikalyq komissiiaǵa joldanady.
«Búginde stýdenttik ortada, jýrnalister arasynda eriktilerdiń keń shoǵyry paida bolǵanyn baiqap otyrmyz, sondyqtan aprobatsiia buqaralyq sipatqa ie bolady dep oilaimyn», - dedi E. Saǵadiev.
Budan buryn habarlanǵandai, QR Mádeniet jáne sport ministri Arystanbek Muhamediuly Qazaqstan Úkimeti qazaq tiliniń latyn grafikasyn engizý boiynsha jumys toby qurylatanyn atap ótti.
