Búgin Úkimet otyrysynda QR bilim jáne ǵylym ministri Erlan Saǵadiev muǵalimder áli kúnge deiin qaǵazbastylyqtan qutyla almai otyrǵanyn málimdedi, dep habarlaidy "Ult aqparat" Baq.kz portalyna silteme jasap.
«Qaǵaz túrinde esep berý júktemesi áli kúnge deiin saqtalyp otyr. Biz ózimizge qatysty dúnielerdi sandyq júiege kóshirdik. Biraq ákimdikterde 15-ten 20-ǵa deiin túrli komissiia bar. Mysaly, sybailas jemqorlyq, kámeletke tolmaǵan jastar, áielder, jastar isi, tártip buzý boiynsha jáne t.b. komissiialar. Osylardyń barlyǵy mektepterden jazbasha túrde esep suraidy. Sondyqtan ustazdar áli kúnge deiin esepti jazbasha toltyryp júr», - dedi ol.
Sonymen qatar, ministr qazirgi tańda búkil kerekti aqparat BǴM Ulttyq bilim berý derekter bazasynda bar ekenin alǵa tartty.
«Baqytjan Ábdiruly, ákimderge mektepterden aqparat suraýdy tolyǵymen toqtatýǵa tapsyrma berýińizdi suraimyn. Tiisti aqparat Ulttyq bilim berý derekter bazasynda tur. Biz barlyǵyn nemese tiisti aqparattyń jartysyn bere alamyz. Eger qajet bolsa, derekter bazasyn keńeitemiz», - dedi Erlan Saǵadiev.
