Qyrǵyzstan prezidenti Sadyr Japarov Resei basshysy Vladimir Pýtinmen 24 mamyrda Sochide kezdesedi. Bul týraly 18 mamyrda shetel elshilerinen senimdi qaǵaz qabyldaý kezinde Pýtin habarlady. Diplomattar men elshilerdiń arasynda Qyrǵyzstannyń Reseidegi elshisi Gúlnara-Klara Samat ta bolǵan.
Pýtin óz sózinde Qyrǵyzstanmen strategiialyq áriptestik jáne yntymaqtastyqtyń nyǵaiyp jatqanyn atap ótti.
"Resei men Qyrǵyz Respýblikasy saýda-ekonomikalyq, áskeri-tehnika, mádeni-gýmanitarlyq jáne ózge salalar boiynsha ózara sátti áreket etip keledi. Eýraziia integratsiiasynyń damýyna birigip úles qosyp jatyrmyz. 24 mamyrda Sochide prezident Sadyr Japarovpen aldaǵy kezdesý barysynda osy taqyryptardy talqylaimyz" dedi Pýtin.
Buǵan deiin Sadyr Japarovtyń baspasóz qyzmeti memleket basshysynyń aldaǵy halyqaralyq sharalarǵa bailanysty qashyqtan jumys isteýge kóshkeni habarlaǵan.
