Qyrǵyzstannyń Sailaý jáne referendýmdar ótkizý jónindegi ortalyq komissiiasy 20 qańtar kúni «QR Prezidentin merziminen buryn sailaýdyń nátijeleri týraly» hattamany bekitti. Oǵan sáikes, Qyrǵyzstanda merziminen tys Prezident sailaýy ótti dep tanyldy. Bul týraly «Kabar» agenttigi habarlady.
Elektorat tizimen jalpy sany 3 563 574 sailaýshy engizilgen. Onyń ishinde 10 qańtar kúni ótken Prezident sailaýyna 1 395 513 daýys berýshi qatysty, iaǵni 39,16%.
Prezidenttikke úmitker Japarov Sadyr elektorattyń 1 105 248 daýysyna nemese barlyq sailaýshylardyń 79,20% qoldaýyna ie boldy.
Ózge kandidattar: Madýmarov Adahan - 94 741 daýys (6,79%), Tolbaev Babyrjan - 32 979 daýys (2,36%),
Arstanbek Myktybek - 23 583 daýys (1,69%), Segizbaev Abdil - 20 335 daýys (1,46%), Tashov Imamidin - 16 383 daýys (1,17%), Sooronkýlova Klara - 14 005 daýys (1,00%) jinady.
Aita keteiik, prezidenttikke barlyǵy 18 kandidat úmitker boldy.
Sailaý biýlletenindegi «Barlyǵyna qarsy» baǵanyna belgini daýys berýshilerdiń 18 673-i nemese 1,34% qoiǵan.
«Qyrǵyzstannyń Sailaý jáne referendýmdar ótkizý jónindegi ortalyq komissiiasy sailaýǵa qatysqan barlyq sailaýshylardyń 79,20% daýysyna ie bolǵan Japarov Sadyr Nýrgojoevichti Qyrǵyzstan Prezidenti retinde tanydy. QR OSK qaýlysymen Japarov Sadyr Nýrgojaevichti Qyrǵyzstan Prezidenti retinde tirkeý, oǵan QR Prezidenti retinde sailanýy týraly kýálikti berý, aiyryqsha belgiler – tósbelgi men onyń aty-jóni jáne laýazym merzimi jazylǵan Prezident Shtandartyn (týyn) tapsyrý belgilendi», - delingen aqparatta.
Eske salaiyq, biylǵy 10 qańtarda Qyrǵyzstanda merziminen buryn Prezident sailaýy ótti.
