Qazaqstan Respýblikasynyń Premer-Ministriniń ókimimen Ákijanov Sadyq Sanatuly QR Premer-Ministriniń keńesshisi – baspasóz hatshysy bolyp taǵaiyndaldy, dep habarlaidy primeminister.kz.
QR Premer-Ministri Keńsesiniń shtattyq kestesine ózgerister engizildi. QR Premer-Ministriniń Baspasóz qyzmetiniń basshysy – baspasóz hatshysy laýazymy QR Premer-Ministriniń Baspasóz qyzmetiniń basshysy jáne QR Premer-Ministriniń keńesshisi – baspasóz hatshysy laýazymdaryna bólindi.
Sadyq Ákijanov 1984 jyly Pavlodar qalasynda týǵan. Ál-Farabi atyndaǵy Qazaq ulttyq ýniversitetin jýrnalistika mamandyǵy boiynsha támamdaǵan.
Eńbek jolyn 2006 jyly bastaǵan. Túrli jyldary QR Prezidenti mádeniet ortalyǵynyń «Prezidenttik institýtynyń» ǵylymi qyzmetkeri (Astana q.), QR Qorshaǵan ortany qorǵaý ministrliginiń Ekologiialyq saiasat jáne turaqty damý departamentiniń bas sarapshysy, «Qazaqstan Respýblikasynyń Ekologiialyq aýditorlary ulttyq palatasy» kásibi aýditorlyq uiymynyń ekonomikalyq máseleler jáne BAQ-pen bailanys jónindegi menedjeri, «QazAqparat» HAA tilshisi qyzmetterin atqardy.
2014 jylǵy qyrkúiek aiynan bastap qazirgi deiin «QazAqparat» HAA Beijiń qalasyndaǵy tilshiler qosynyn basqardy, Shanhai yntymaqtastyq uiymynyń baspasóz klýbynyń vitse-prezidenti bolyp sailandy. «Aqparat salasynyń úzdigi» tósbelgisimen marapattalǵan. Qazaq, orys, aǵylshyn jáne qytai tilderin meńgergen.
