Monrealda (Kanada) Eye of the Tiger Management kompaniiasy aldaǵy eki boks keshine arnalǵan baspasóz máslihatyn ótkizdi, dep habarlaidy "Ult aqparat" Sports.kz-ke silteme jasap.
Keshtiń birinde, iaǵni 12 naýryz kúni ringke jastar arasyndaǵy WBC jáne WBC Asia chempiony, qazaqstandyq Sadriddin Ahmedov (11-0, 10 KO) shyǵady. Qarsylasynyń esimi keiinirek habarlanady.
Baspasóz máslihaty kezinde onyń promoýteri Kamil Estefan boksshynyń aiqasy ótetin kúndi resmi túrde jariia etti. Sharaǵa sportshynyń ózi de qatysty.
Ahmedovtiń sońǵy jekpe-jegi 2019 jyldyń 7 jeltoqsanynda Monrealda ótken bolatyn. Ol argentinalyq Hose Antonio Vilialobosty (12-6-2, 7 KO) jetinshi raýndta nokaýtqa jiberdi.
