29 qańtar kúni Meksikanyń Kýernavake qalasynda qazaqstandyq kásipqoi boksshy Sadriddin Ahmedov (11-0, 10KO) Niderland ókili Stiven Danoǵa (17-3-3, 6KO) qarsy jekpe-jek ótkizedi, dep habarlaidy "Ult aqparat".
VKontakte áleýmettik jelisindegi «Qazaqstannyń kásipqoi boksy» paraqshasynda málim etilgendei, bastapqyda boksshylar orta salmaqtaǵy 4 beldikti sarapqa salatyny aitylǵan: WBA Continental, NABF, WBC Francophone jáne NABO. Alaida, qazir BoxRec.com saitynda jekpe-jek profilinen NABO titýly alynyp tastalǵan.
«Shoý uiymdastyrýshysy - Eye of the Tiger Management kompaniiasy da boksshylar 4 emes, 3 beldik úshin judyryqtasatynyn málim etti. Is-shara Qazaqstan ýaqyty boiynash 30 qańtar kúni ótedi», - delingen aqparatta.
Aita keteiik, Sadriddin Ahmedov sońǵy ret ringke 2019 jyldyń jeltoqsanynda shyqqan bolatyn. Bul onyń Meksikadaǵy alǵashqy jekpe-jegi bolmaq. Ol buǵan deiin tek Kanadada óner kórsetip keldi. Sondai-aq «Soldat Q» bir ret Qazaqstanda jekpe-jek ótkizdi.
