Kásipqoi boksta kezekti jeńisine qol jetkizgen qazaqstandyq boksshy Sadriddin Ahmedov (7-0, 7 KO) álem reitinginde joǵarylady, dep habarlaidy "Ult aqparat" Sports.kz-ke silteme jasap.
Kanadanyń Monreal qalasynda ótken boks keshiniń anderkartynda 20 jastaǵy Ahmedov meksikalyq Abraham Hýarespen (13-2, 5 KO) kezdesken edi. Qazaqstandyq tórtinshi raýndta qarsylasyn nokaýtpen jeńip, jastar arasynda birinshi orta salmaq sanatyndaǵy WBC chempiony atandy. Keiin Sadriddin Feisbýktegi paraqshasynda bul jeńisin kimge arnaitynyn jazdy.
Osy jeńisten keiin BoxRec.com portaly jasaǵan álem reitinginde Ahmedov óz divizionynda birden 116 saty joǵarylap, 85-orynnan bir-aq kórindi. Osylaisha ol 80-orynda turǵan taǵy bir qazaqstandyq boksshy, WBC Asia beldiginiń iesi Nursultan Jańabaevqa (6-0, 4 KO) bir taban jaqyndai tústi.
