كەسٸپقوي بوكستا كەزەكتٸ جەڭٸسٸنە قول جەتكٸزگەن قازاقستاندىق بوكسشى سادريددين احمەدوۆ (7-0, 7 كو) ەلەم رەيتينگٸندە جوعارىلادى, دەپ حابارلايدى "ۇلت اقپارات" Sports.kz-كە سٸلتەمە جاساپ.
كانادانىڭ مونرەال قالاسىندا ٶتكەن بوكس كەشٸنٸڭ اندەركارتىندا 20 جاستاعى احمەدوۆ مەكسيكالىق ابراحام حۋارەسپەن (13-2, 5 كو) كەزدەسكەن ەدٸ. قازاقستاندىق تٶرتٸنشٸ راۋندتا قارسىلاسىن نوكاۋتپەن جەڭٸپ, جاستار اراسىندا بٸرٸنشٸ ورتا سالماق ساناتىنداعى WBC چەمپيونى اتاندى. كەيٸن سادريددين فەيسبۋكتەگٸ پاراقشاسىندا بۇل جەڭٸسٸن كٸمگە ارنايتىنىن جازدى.
وسى جەڭٸستەن كەيٸن BoxRec.com پورتالى جاساعان ەلەم رەيتينگٸندە احمەدوۆ ٶز ديۆيزيونىندا بٸردەن 116 ساتى جوعارىلاپ, 85-ورىننان بٸر-اق كٶرٸندٸ. وسىلايشا ول 80-ورىندا تۇرعان تاعى بٸر قازاقستاندىق بوكسشى, WBC Asia بەلدٸگٸنٸڭ يەسٸ نۇرسۇلتان جاڭاباەۆقا (6-0, 4 كو) بٸر تابان جاقىنداي تٷستٸ.
