Ánshi Sadraddin Bolattyń “Qyzyq Times” baǵdarlamasyna kiip barǵan kiimi áleýmettik jelide talqyǵa tústi. Óner iesiniń bul jolǵy obrazyna da syn aitqandar tabyldy, dep habarlaidy ult.kz.

Jeli qoldanýshylary ánshiniń kiim tańdaýyna qatysty túrli pikir qaldyrǵan. Biri ústindegi jempirin áielder kiimine uqsatsa, endi biri oǵan stilistiń kómegine júginýge keńes bergen.

“Ústine ne kiip alǵan?”, “Sadraddinge shuǵyl stilist kerek”, “Qyzdardyń jempirin kiip alǵany nesi?” dep jazǵan pikir bildirýshiler.

Buǵan deiin de Sadraddinniń Almatydaǵy kontsertine arnap tigilgen sahnalyq kostiými kópshiliktiń nazaryn aýdaryp, synǵa ushyraǵan edi. Keiin dizainer Nazym Qarpyqova kiimniń ǵarysh taqyrybyna sai ázirlengenin túsindirdi. Onyń aitýynsha, bul obraz arqyly ánshini zamanaýi batyr beinesinde kórsetý kózdelgen.

Sadraddin Bolat kim?

Sadraddin Bolat - SADRADDIN sahnalyq atymen tanylǵan qazaqstandyq ánshi, án avtory. Ol jasóspirim kezinen mýzykalyq baiqaýlarǵa qatysyp, 2015 jyly “Aialaǵan Astana” respýblikalyq balalar baiqaýynda birinshi oryn alǵan. Tyńdarmanǵa “Aiga qarap” sekildi ánderimen tanyldy. Bul týyndysy 2023 jyly “Qyzyq premiia” syilyǵynyń “Jyldyń úzdik hiti” atalymynda jeńiske jetken.

Ánshi 2023 jyly “Almaty Arenada” alǵashqy jeke kontsertin ótkizdi. Al 2024 jylǵy 15 qyrkúiekte Almatynyń Ortalyq stadionynda 30 myńǵa jýyq kórermenniń basyn qosqan úlken kontsert berdi. Onyń shyǵarmashylyǵy, ásirese, jastar arasynda keńinen tanymal.