Qazaqstandyq jáne reseilik komik Nurlan Sabýrov Esquire jýrnalynyń reseilik nusqasynyń bas redaktory Sergei Minaevqa bergen suhbatynda Qazaqstandaǵy áielderge qatysty zorlyq-zombylyq máselesin kóterdi, - dep habarlaidy Tengrinews.kz.
Sabýrov Minaevtyń ázilin qoldai otyryp, mundai jaǵdai elde keń taralǵany sonsha ony "memlekettik deńgeide qoldaidy" dep aitýǵa bolatynyn jetkizdi.
"Meniń oiymsha, bul Konstitýtsiiada jazylǵan", - deidi Sabýrov ázildep.
Ol keide áielderge qatysty zorlyq-zombylyq týraly ázildegen kezde, Reseide muny ironiia retinde qabyldaitynyn aitty, al Qazaqstanda: "Durys, durys, áielderdi urý kerek. Men durys aityp turmyn ǵoi? Durys. Iaǵni, keibireýler, árine, bári birdei emes", - dedi komik.
Sabýrov Minaevqa Qazaqstanda feministik qozǵalystyń deńgeii Reseige qaraǵanda "óte qarapaiym deńgeide" ekenin aitty.
"Ol (feminizm taqyryby. - avtor.) bar, biraq tek iri qalalarda. Bizde áielderge degen qarym-qatynas máselesi sheshilmei tur, turmystyq zorlyq-zombylyq óte keń taralǵan. Qazir bul másele qarqyn alyp keledi, al durys oilaityn adamdar muny áldeqaida jaqsy qabyldaidy", - dedi Nurlan Sabýrov.
