Grýziianyń burynǵy prezidenti Mihail Saakashvilidiń bosatylýyn talap etken aktsiia.
Grýziianyń burynǵy prezidenti Mihail Saakashvilidiń túrmede ashtyq jariialaǵan soń densaýlyǵy kúrt nasharlaǵan. Saiasatkerdiń dárigeri Nikoloz Kipshidzeniń habarlaýynsha, Mihail Saakashvilidi aýrýhanaǵa jatqyzý kerek.
Bul týraly grýziialyq "Mtavari arhi" telearnasyna silteme jasaǵan TASS, "Interfaks" jáne RIA Novosti aqparat agenttikteri habarlady, dep jazady Azattyq.
"Onyń jaǵdaiy nasharlap ketti, júrip-turýy, sóileýi de qiyndady. Ol talassemiia deitin qan aýyrýyna shaldyqqan. Men muny óziniń ruqsatymen habarlap otyrmyn. Bul asa qaýipti aýrý emes, degenmen oǵan ashyǵýǵa bolmaidy. Onymen erteń kezdesemin, aýrýhanaǵa jatqyzamyz dep oilaimyn" dedi Kipshidze.
Talassemiia – tuqym qýalaityn qan aýrýy. Ol gemoglobin genderi zaqymdalǵanda paida bolady.
Dárigerdiń málimdemesinen keiin Saakashvili otyrǵan Rýstavi qalasyndaǵy túrme syrtynda saiasatkerdiń jaqtastary jinalyp, "Mtavari arhi" telearnasynyń tikelei efirinen ashtyqty toqtatýyn ótindi.
"Mtavari arhidiń" negizin qalaýshy Niki Gvaramiia Saakashvilige dereý meditsinalyq kómek kórsetilmese, ólim qaýpi tónip tur dedi.
- Erteń Mihail Saakashvilimen túrmede kezdesemin, onyń ómirin saqtap qalý úshin qoldan kelgenniń barlyǵyn jasaýymyz kerek. Onyń esimizde qalǵany emes, janymyzda bolǵany kerek, - dedi Gvaramiia.
Al Grýziianyń penitentsiarlyq qyzmeti Mihaila Saakashvilidiń densaýlyǵy qalypty dep habarlady.
"Mihail Saakashvilidiń densaýlyǵy nasharlady degen BAQ-ta taraǵan aqparat shyndyqqa janaspaidy. Ol belgilengen dári-dármekterdi iship jatyr. Qazir onyń densaýlyǵy qalypty" dep málimdedi penitentsiarlyq qyzmet.
Grýziianyń burynǵy prezidenti Mihail Saakashvili elge 29 qyrkúiekte oralǵan. Grýziiada syrttai sottalǵan Saakashvili 1 qazanda iaǵni, jergilikti sailaý ótetin kúni ustalyp, qamalǵan. Keiin ol túrmede ashtyq jariialaǵan.
Sailaýdyń birinshi týrynda Grýziiadaǵy basqarýshy "Grýzin armany" partiiasy jeńiske jetti. Saakashvili jaqtastary ekinshi oryn aldy. Alaida keibir iri qalalarda, arasynda Tbilisi de bar, jergilikti sailaýdyń ekinshi týry ótedi. Saakashvilidiń jaqtastary sol kezde jeńiske jetemiz dep úmittenedi.
Sailaýdyń ekinshi týry 30 qazanǵa belgilengen. Oǵan deiin oppozitsiia aktsiiasynyń ótetini-ótpeitini belgisiz. Jýyrda Saakashvili otyrǵan Rýstavidegi túrme mańynda beibit miting ótken.
2013 jyly Grýziiada Saakashvili ústinen birneshe qylmystyq is qozǵalǵan, osydan soń ol Ýkrainaǵa ketken. Onyń ishinde 2007 jyly qarashadaǵy miting qatysýshylaryna kúsh qoldandy, "Imedi" telearnasynyń ǵimaratyna zańsyz basyp kirdi, biznesmen Badri Patarkatsishvili biznesin tarytp aldy,depýtat Valeriia Gelashvilige shabýyl uiymdastyrdy, bankir Sandro Girgvlianidiń ólimin tekserýge kedergi keltirdi jáne 2009-2012 jyly biýdjetti shashty degen aiyptar bar. 2018 jyly ol syrttai úsh jylǵa sottalǵan.
Ol Ýkrainada biraz jyl saiasatpen ainalysty.
