14 jeltoqsanda Tbilisidegi "Vivamedi" klinikasynda ashtyq jariialaǵan Grýziianyń burynǵy prezidenti Mihail Saakashvili birneshe saǵattan soń ashtyǵyn toqtatty, dep habarlaidy Azattyq radiosy.
"Bilik ókiletin asyra paidalanǵany úshin" alty jylǵa bas bostandyǵynan aiyrylǵan burynǵy prezidenttiń málimdemesin advokaty oqyp berdi. Onda eks-prezident synshylardyń "densaýlyǵyn sanaly túrde qurtyp jatyr" dep aiyptaýyna jol bergisi kelmeitinin jáne Eýroparlament depýtattarynyń da quqyǵynyń saqtalýyn qadaǵalaimyz dep ýáde bergendigin atap kórsetken.
Ashtyqqa Grýziia ádilet ministrligine qarasty qylmysty atqarý departamentiniń oǵan aýrýhana palatasynan sotqa onlain qosylýyna ruqsat bermeýi sebep bolǵan. Ashtyqty toqtatý týraly ótinishte talabynyń oryndalǵany-oryndalmaǵany aitylmaidy.
Dárigerler burynǵy memleket basshysynyń densaýlyǵynyń nasharlaýyna alańdaýshylyq bildirýde. Al, advokattar men "Birtutas ulttyq qozǵalys" oppozitsiialyq partiiasyndaǵy jaqtastary jazany shegerip, Saakashvilidi Eýropaǵa emdelýge jiberýge kúsh salyp otyr.
Aita keteiik, basqarýshy "Grýzin armany" partiiasynyń tóraǵasy Iraklii Kobahidze 14 jeltoqsanda jýrnalisterdiń suraqtaryna jaýap berip turyp, Saakashvilidi "qylmysker" dep atap, sonyń basqarýy kezinde "2008 jyly Grýziia territoriiasynyń 20 paiyzynan aiyryldy" dep málimdegen.
Tbilisi soty Mihail Saakashvilidi 2005 jyly "oppozitsiia depýtaty, kásipker Valerii Gelashvilidi arnaiy jasaqqa urǵyzǵany úshin" alty jylǵa bas bostandyǵynan aiyrǵan. Qazir burynǵy prezident taǵy úsh iste aiyptalýshy tanylǵan. Arasynda "Grýziianyń memlekettik shekarasyn zańsyz kesip ótý" baby da bar. Ol uzaq jyldan keiin byltyr qazanda eline oralǵan kezde ustalǵan edi.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
