Búgin Parijde jeńil atletikadan áigili «Brilliant liga» týrniriniń kezekti kezeńi ótedi.
Atalmysh sharaǵa Qazaqstan komandasynyń lideri Olga Rypakova qatysady, dep habarlaidy "Ult aqparat" QR Ulttyq Olimpiadalyq komitettiń baspasóz qyzmetine silteme jasap.
Qazaqstandyq sportshy úsh qarǵyp sekirý jarysyna qatysady. Liderler arasyndaǵy alǵashqy start hattamasynyń tiziminde 10 sportshy tur. Startqa tek kolýmbiialyq Olimpiada chempiony Katrin Ibargýen ǵana shyqpaidy.
Aita keteiik, qazirgi tańda úzdik nátije venesýelalyq Iýlimar Rohasqa tiesili. Onyń nátijesi – 15.11. Rypakovanyń osy maýsymdaǵy eń úzdik kórsetkishi 14.37.
