Qazaqstannyń birinshi, álemniń 19-raketkasy Elena Rybakina juptyq synda Monreal WTA 1000 týrniriniń jartylai finalyna shyqty, dep habarlaidy "Ult aqparat".
Qazaqstan tennis federatsiiasy málim etkenindei, Rybakina reseilik Veronika Kýdermetovamen birge shirek finalda norvegiialyq Ýlrikke Eikeri – amerikalyq Ketrin Harrisonmen kezdesti.
Qazaqstandyq-reseilik jup qarsylastaryn 6:0, 6:2 esebimen oisyrata utty.
Báseke 56 minýtqa sozyldy. Match barysynda Rybakina men Kýdermetova 3 eis, 5 breikke qol jetkizdi. Norvegiialyq-amerikalyq jup birde-bir ret eis ne breik jasai alǵan joq.
Qazaqstandyq-reseilik jup finalǵa shyǵý úshin kanadalyq Gabriela Dabrovski – braziliialyq Lýiza Stefanimen talasady.
