Almatylyq kásipker Rýslan Kúlekbaevtiń oǵan 2015 jyldyń qarasha aiynda jasaǵan shabýyly jaily aityp berdi, - dep habarlaidy kaz.tengrinews.kz tilshisi. Sotqa Viacheslav Meshaninov jábirlenýshi retinde qatysyp otyr. Er adam sotta jaýap bere otyryp, oǵan jasalǵan shabýyl týraly aityp berdi.
"2015 jyldyń 23 qarashasynda saǵat 19.00-de Rýslan Kúlekbaev meni úidiń kirebersinde kútip alyp, maǵan bes ret oq atty. Atqan oǵynyń ekeýi maǵan tidi. Sodan ol qolymnan túsip ketken sómkeni alyp ketti", - dedi er adam travmatikalyq qarýdan eki jaraqat alǵanyn aita otyryp. Sómkede Aipad-2 markaly eki planshet bolǵan, al sómkeniń ózi 40 myń teńgege baǵalanǵan eken. Osylaisha Kúlekbaev oǵan 150 myń teńge kóleminde shyǵyn keltirgen.
Sonymen qosa, tergeý málimetinshe, Kúlekbaev óziniń birneshe sybailasymen (qazir sotta otyrǵan sybailastary) kásipkerge qarýlanǵan shabýyl jasaǵan. Kúlekbaev sybailastaryna kásipkerdiń alkogoldi ishimdikterdi satýmen ainalysady dep aitqan. Osylaisha qylmysker 5-6 million teńge kólemindegi aqshany ielenbek bolǵan. Alaida kásipker Meshaninovtyń ózi sot zalynda avtobólshek saýdasymen ainalysatynyn aitty.
Kásipkerdiń aitýynsha, ol Kúlekbaevti politsiia qyzmetkerleri foto arqyly tanýǵa shaqyrǵan kezde tanyǵan.
Aita keteiik, Rýslan Kúlekbaevpen birge sotta Rafik Liý, Jasulan Saparbekov, Erbol Kusaiynov, Nursultan Ábdimomyn i Ásemkúl Dáýren jaýap berip otyr. Sondai-aq, búgin sot otyrysy barysynda sottalýshylar jaily málimetter de aityldy.
Rýslan Kúlekbaev - 1990 jylǵy, Qyzylorda oblysynyń týmasy. Úilengen, eki balasy bar. Osyǵan deiin eki ret sotty bolǵan - 2010 jyly jáne 2012 jyly.
Rafik Liý - 1985 jylǵy, Jambyl oblysynyń týmasy. Birneshe jyl buryn Almaty aýdandyq soty ony toǵyz jylǵa deiin bas bostandyǵynan aiyrǵan. Shartty túrde bosatylǵan. 18 tamyzdan beri qamaýda.
Jasulan Saparbekov - 1991 jylǵy, Jambyl oblysynyń Qarataý qalasynyń týmasy. Qazirgi ýaqytta QR Qylmystyq Kodeksiniń 287-babynyń 3-bóligi boiynsha jazasyn ótep jatyr. 1 jyl 3 aiǵa deiin bas bostandyǵynan aiyrylǵan.
Erbol Qusaiynov - 1984 jylǵy, Jambyl oblysynyń týmasy. Ulttyq agrarlyq ýniversittetti aiaqtaǵan. Kishkentai eki balasy bar. 8 tamyzdan beri qamaýda.
Ásemkúl Dáýren 1985 jylǵy, úsh balasy bar. Osyǵan deiin sotty bolmaǵan.
Ábdimomyn Nursultan - 1995 jylǵy, OQO týmasy. Eýraziialyq tehnologiialyq ýniversitte bilim alǵan. Úilenbegen, osyǵan deiin sotty bolmaǵan.
Eske salaiyq, 18 shildede Almatyda terroristik akt bolǵan edi. Belgisiz er adam Almaly aýdandyq IIB men UQK departamentine qarýly shabýyl jasady. Oqiǵa saldarynan bes adam, onyń ishinde úsh politsiia qyzmetkeri qaza tapty. Qalada terrorlyq qaterdiń qyzyl deńgeii jariialandy. Qylmysker ustaldy,ol buryn isti bolǵan Qyzylorda oblysynyń týmasy Rýslan Kúlekbaev bolyp shyqty.
Al búgin, 24 qazanda Almatyda shildedegi terakt isi boiynsha basty sot otyrysy bastaldy. Onda advokattar bes sottalýshynyń Kúlekbaev jasaǵan teraktige qatysy joq ekenin aitty.
