Joǵary Eýraziialyq ekonomikalyq keńestiń 5 naýryzdaǵy sheshimimen Eýraziialyq ekonomikalyq komissiianyń Qazaqstan Respýblikasy atynan alqasynyń jańa múshesi (ministri) bolyp Rýslan Beketaev taǵaiyndaldy, dep habarlaidy "Ult aqparat" halyqaralyq uiymnyń saityna silteme jasap.
Onyń quzyretine Eýraziialyq ekonomikalyq odaǵynda kásipkerlik qyzmetti damytý, qarjy saiasaty, eńbek migratsiiasy jáne áleýmettik qorǵaý máseleleri kiredi.
Rýslan Beketaev komissiiada bul qyzmetke Qazaqstan Respýblikasy Ulttyq ekonomika birinshi vitse-ministri bolyp taǵaiyndalǵan Timýr Jaqsylyqovtyń ornyna keldi.
EEK-nyń jańa ministri Qazaqstannyń memlekettik bilik organdaryndaǵy basshylyq qyzmetinde birqatar tájiribege ie.
Rýslan Beketaev 1975 jyly 16 qarashada Shymkentte dúniege keldi. Qazaq memlekettik agrarlyq ýniversitetin, Bristol ýniversitetin (Ulybritaniia), Oksford ýniversitetin (Ulybritaniia) bitirgen. 1996-2001 jyldary – QR Ulttyq qundy qaǵazdar komissiiasynyń litsenziialaý jáne qadaǵalaý departamentinde jetekshi maman, sektor meńgerýshisi, bólim bastyǵy, basqarma bastyǵynyń orynbasary, departament direktorynyń orynbasary mindetin atqarýshy. 2001-2004 jyldary – QR Ulttyq bankiniń qarjylyq qadaǵalaý departamentiniń inspektsiialaý basqarmasynyń bastyǵy. 2004-2005 jyldary – QR qarjy naryǵyn jáne qarjy uiymdaryn retteý jáne qadaǵalaý agenttigi bankterdi qadaǵalaý departamentiniń inspektsiialaý basqarmasynyń bastyǵy. 2005-2010 jyldary – qarjy organdaryndaǵy, QR Ekonomikalyq qylmyspen jáne sybailas jemqorlyqpen kúres agenttigindegi qyzmet. 2011 jylǵy mamyr-tamyz – «Qazaq gýmanitarlyq zań ýniversiteti» AQ basqarma tóraǵasynyń keńesshisi. 2011-2012 jyldary - QR Qarjy ministrliginiń qarjylyq monitoring komiteti tóraǵasynyń orynbasary. 2012-2014 jyldary – QR Qarjy ministrliginiń Qazynashylyq komitetiniń tóraǵasy. 2014 jylǵy shildeden beri QR Qarjy vitse-ministri bolyp istedi.
