Petromidia munai óńdeý zaýytyndaǵy órt sóndirildi, jaǵdai baqylaýda, dep habarlaidy "Ult aqparat" KMG International kompaniiasyna silteme jasap.
2 shilde, juma kúni Rýmyniianyń Konstantsa qalasynyń mańyndaǵy «Petromidia» munai óńdeý zaýytynda dizel otynyn óńdeý qondyrǵysynda ottyń tutanýyna ákelip soqqan oqiǵa boldy.
KMG International kompaniiasynyń korporativtik damý jónindegi bas direktory Eskendir Ábdibaiytovtyń habarlaýynsha, aldyn ala aqparatqa sáikes bes adam zardap shekken, bir adam qaitys boldy.
Daǵdarysty basqarýdyń ishki rásimderine sáikes kompaniia barlyq resýrstardy jumyldyrdy, zaýyttaǵy tehnologiialyq protsester toqtatyldy, barlyq qyzmetkerler evakýatsiialandy.
«Qazirgi ýaqytta MÓZ-degi órt sóndirildi. Oqiǵa ornynda zaýyt pen jergilikti biliktiń órtke qarsy qyzmetteri jumys isteýde. Jaǵdai baqylaýda», – dep habarlady E. Ábdibaiytov.
Eske sala keteiik, Qara teńiz jaǵalaýynda ornalasqan «Petromidia» - KMG International kompaniiasynyń Rýmyniiadaǵy munai óńdeý zaýyty.
