Shomylý maýsymy bastalǵanyna qaramastan, karantin aiaqtalǵanǵa deiin sýda shomylatyn jappai demalý oryndaryna barýǵa ruqsat etilmeidi, dep habarlaidy qalalyq tótenshe jaǵdailar departamenti.
Alaida, qalanyń jabdyqtalmaǵan sý qoimalarynda sýǵa shomylý faktileri bar. Patrýl kezinde eki almatylyq tyiym salynǵan jerde sýǵa shomylǵany úshin ákimshilik jaýapkershilikke tartyldy.
Jazǵy demalysqa shyqqan almatylyq oqýshylar jappai sý toǵandaryna baryp, kóshelerge shyǵady. Osyǵan bailanysty sý qoimalarynyń jaǵalaýyn nyǵaitý úshin mektep qyzmetkerleri, aýdan ákimdikteri jáne Ulttyq ulan qyzmetkerleri qutqarýshylar men politsiia patrýline qosyldy.
Esterińizge sala keteiik, qala sheginde 26 sý qoimasy bar. Onyń 4-inde shomylýǵa ruqsat etilgen. Olar:
- Sairan ózeniniń batys bóligi (Tóle bi kóshesinen ońtústik baǵytqa qarai pirsqa deiin 300 metr)
- Sairan ózeniniń shyǵys bóligi (Tóle bi kóshesinen ońtústik baǵytqa qarai 200 metr)
- D. Qonaev atyndaǵy Úlken Almaty kanaly boiyndaǵy «Baým» toǵaiynyń shomylý aimaǵy
- D. Qonaev atyndaǵy Úlken Almaty kanaly boiyndaǵy «Gúlder» demalys orny.
Qala aýmaǵynda ornalasqan basqa sý qoimalary men taý ózenderine (Esentai, Kishi jáne Úlken Almaty kanalyna) shomylýǵa tyiym salynady.
Qazirgi ýaqytta Sairan kóliniń jartylai toltyrylǵanyna qaramastan qutqarý beketi jumys istep tur. Sondai-aq, Túrksib aýdanyndaǵy Áýejai ózeninde respýblikalyq jedel-qutqarý jasaǵynyń qutqarýshylary kezekshilik etip júr.
Sonymen birge, Áýejai ózeninde jańa qutqarý stansasyn salý máselesi qaralyp, qazirgi ýaqytta jobalyq-smetalyq qujattama ázirlenip jatyr.
